Mateu 5:10 - MUKANDA USANDU WA ZAMBI 1975

¹⁰ Kawaha waze anaahungumiona mumu ha ululi, mumu wanangana wa malilu niwo.

Mukanda Wa Zambi 1970

¹⁰ “Kaawaha waze anaahungumiona mumu ha ululi, mumu Wanangana wa mwilu niwo!

Mateu 5:10 Iomraidhean Croise

Miaso (Masamu) 37:12

Yingulungulu kakutwama punga mukwa ululi, kakulikopola ku mazo hali iye.

Izaya 66:5

Panjikenu liji lia Yehova, yenu nwakuchikimina liji lienyi, ngwami, Usoko wenu waze akunuvwila kole ni kunumbila mumu ha jina liami, o hanambe ngwo, Yehova afumane, hanga tukamone uwahililo wenu. Alioze o mevwa sonyi.

Mateu 10:23

Alioze muze manuhungumiona mu limbo lino, chinyinenu ku likwo, mumu pundu ngunambe kuli yenu ngwami, Kunuchi kamanununa membo a mu Izalele ndo mwe Mwana Mutu meza.

Mateu 19:14

Alioze Yesu wambile ngwenyi, Tayizenu ana akepe, kanda nwakanjisa kwiza kuli yami: mumu wanangana wa malilu wa wano ene.

Mateu 25:34

Hohene Mwanangana makamba kuli waze ali ku chindume ngwenyi, Tweyenu, kunwawaha kuli Tata, nutunge wanangana anululikililewo chize ku kusela cha fundamentu ya hashi:

Mateu 5:3

Kawaha yiswale mu Spiritu, mumu wanangana wa malilu niwo.

Marku 10:14

Alioze muze Yesu achimwene, evwile kupiha, wambile kuli ayo ngwenyi, Tayizenu ana akepe eze kuli yami; kanda nwakanjisa: mumu wanangana wa Zambi wa wano ene.

Marku 10:30

kumakatambula kulakaji lia yisuho haliapwila ha mwaka uno, mazuwo, hanji ayayo, ni ana-akwo, ni mapangi, ni anaye, ni ana, ni minda, hamwe ni yihungumiona; ni ha mwaka uze muwizaho mwono wa mutolo.

Luka 21:12

Alioze shimbu yino yuma yeswe kanda yipwa, kumakanukwata, kumakanuhungumiona, kumakanukunjika ku masunangonga ni mazuwo ja ususu, nikununeha kumeso ja mianangana ni manguvulu mumu ha jina liami.

Luka 22:29

ngunannsela wanangana, chizechene ngwe Tata wanguselelewo.

Luka 6:20

Iye wahetwile meso jenyi hali tumbaji twenyi, ngwenyi, Kunwawaha, yenu, yiswale; mumu wanangana wa Zambi niwenu.

Luka 6:22

Kunwawaha, yenu, muze atu manuvwila kole, muze malihandununa ni yenu, manuchoka, mambila haze jina lienu ngwe lipi, mumu hali mwe Mwana Mutu;

Yoano 15:20

Iwulukenu liji lize nambanga kuli yenu ngwami, Ndungo keshi kuhiana mwene wenyi. Kachi anguhungumionene, kachi ni yenu nawa makanuhungumiona; kachi afu-ngile liji liami, kachi makafunga liji lienu nawa.

Yilinga 5:40

O yatá kuli iye: ni muze te hatambika apostolo, aalambile, aahele koki ngwo, Kanda nukahanjika mu jina lia Yesu, mba aechele kuya.

Yilinga 8:1

Saulu te kanatayiza kufwa chenyi. Ha tangwa lize kwakatukile yihungumiona yinene ha chikungulwila chize chapwile mu Yerusaleme; ni eswe amwanganyine mwamwa mu yifuchi ya Yundeya ni Samaria, alioze apostolo, ka.

2 Korintu 4:17

Mumu luyinda wetu mulelu, wa kashimbu kano kakepekepe, kakulinga hali yetu kulumbama chahiana cha uhenya wa mutolo;

Filipu 1:28

Kanda nususuka nichimwe kuli akwa kulimika: chize chapwa kuli ayo chinyingi chamwenemwene cha kwonwona, alioze kuli yenu chinyingi cha ulamwino, uze wa kuli Zambi.

2 Timoteu 2:12

Kachi mutunyongonona mu lamba kachi mutukayula hamwe nenyi nawa: kachi mutulikala iye, kachi iye nawa makalikala yetu.

2 Timoteu 3:11

ni yihungumiona, ni lamba, lize lianguwanyine mu Andiakia, mu Ikoniu, mu Lesetra; yihungumiona yize nanyongonwene nayo; ni Mwene wangupulwile ku yeswe.

Tiangu (Jake) 1:12

Kawaha mutu yoze manyongonona mu cheseko; mumu muze hamusela Shindakenyo yipema, makatambula chipangula cha mwono, chize Mwene hanalakenya kuli waze akumuzanga.

Tiangu (Jake) 5:11

Twakwavuluka ngwetu, Akwa kuwaha, waze anyongonwene; hinunevu ha kunyongonona cha Jo, hinunamono songo lia mwe Mwene, ngwe chize Mwene iye wa tò ni vumbi, mukwa keke.

1 Yoano 3:12

Hi ngwe Kene ko wapwile wa kuli mwe chingulungulu, washihile mwanakwo; ha chikuma chika amushihilile? Mumu yitanga yenyi yapwile ya ungulungulu, ni yize ya mwanakwo ya ululi.

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.