Mateu 4:9 - MUKANDA USANDU WA ZAMBI 1975

⁹ wambile kuli iye ngwenyi, Yino yuma yeswe mungukwaha, kachi mafulamana unguwayile.

Mukanda Wa Zambi 1970

⁹ Yamwamba ngwenyi: “Yeswe ayize mungukwaha yo nyi muufukama ku meso jami ha makungunwa unguwayile.”

Mateu 4:9 Iomraidhean Croise

Miaso (Masamu) 72:11

Ewa, mianangana eswe kumakafulamana kumeso jenyi. Mavungu eswe kumakamulingila.

Yishima 8:15

Mianangana kakuyula ni tachi jami, alemu kakuhana shimbi ja ululi.

Daniel 4:32

mba makuhuma hakachi ka atu, ni wendelo we muukapwa hakachi ka tushitu a mu yambu. Muolia mwambu ngwe ngombe, mba tungonde shimbiali makakupalika ndo hiwalilongesa, mwe Chitunda kakuyula mu wanangana wa atu ni kuuhana kuli mweswawo mapala.

Mateu 26:15

ngwenyi, Kuchi munungwaha kachi mungumukunjika kuli yenu, no apezalishile hali iye makumi atatu a mbongo ja prata.

Mateu 4:10

Hohene Yesu yamba kuli iye ngwenyi, Sosolokako Satana: mumu chinasonewa ngwo, Ukawayile Mwene Zambi ye, iye wika ukamulingile.

Yoano 12:31

Haliapwila upatwilo wa hashi hiweza; haliapwila kumambila haze mwata wa hashi.

Yoano 13:3

Yesu, nikunyingika ngwe mwe Tata hanamwehe yuma yeswe mu moko jenyi, ngwe kuli Zambi wakatukile, ni kuli Zambi maya.

Yoano 14:30

Chichi kuhanjika chinji nawa ni yenu, mumu mwata wa hano hashi meza: keshi nichimwe muli yami;

Yoano 16:11

ha kutwala ku upatwilo, mumu hapatwila mwata wa hano hashi.

2 Korintu 4:4

muli ayo zambi ya mwakono hanapupuchisa manyonga ja waze keshi kufuliela, hanga kupanguka cha sango lipema lia uhenya wa Kristu, Mwenawo che kulifwa cha Zambi, kuchichi kapanguka hali ayo.

1 Timoteu 3:6

hi yoze ko hafuliela shimbu likepe, kuchina ha kulifuza malimbuka mu uhie wa Ndiapu.

Usolwelo 19:10

Nafulamanyine ku yiliato yenyi hanga ngumuwayile. Iye yamba kuli yami ngwenyi, Kanda uchilinga: yami nguli ndungo-ni-mukwenu, ni ndungo-ni-mukwo ni mandumbu je, waze ali ni Shindakenyo ya Yesu: wayila Zambi: mumu Shindakenyo ya Yesu, spiritu ya uprofeto.

Usolwelo 19:16

Iye ha hina lienyi ni ha chitongo chenyi jina akwete, linasonewa ngwo, Mwanangana wa mianangana, Mwene WA ENE.