Mateu 4:8 - MUKANDA USANDU WA ZAMBI 1975

⁸ Cheka nawa, Ndiapu yamutwala ku mulundu usuku chikolo, yamulweza mawanangana eswe a hano hashi ni uhenya wo:

Mukanda Wa Zambi 1970

⁸ Mba Sakwonga yamutwala helu lia mulundu usuku chikolo, yamulweza mawanangana eswe a hashi ni uhenya wo.

Mateu 4:8 Iomraidhean Croise

Estere 1:4

shimbu masolola upite wa wanangana wenyi wa uhenya, ni ulemu wa ulamba wenyi wahiana matangwa anji—ngwe kulakaji ni makumi nake a matangwa.

Estere 5:11

Hamane yaambulwila uhenya wa upite wenyi, ni kulumbama cha ana jenyi ni yuma yize mwanangana hamusenyesa nayo, ni chize hamuhianyisa helu lia alemu ni tuvumbi twa mwanangana.

Daniel 4:30

mba mwanangana yamba ngwenyi, Ayino, ngwami, ye Babilonia yinene ya kutunga yami mwene ni ndundo jami ja ngolo yikapwe zuwo lia wanangana ni uhenya wa wanangana wami nawa.

Kwalula 23:3

Mbalau yamba kuli Mbalake ngwenyi, Umanyine yena ku mulambu we wa kulumba, yami munguya; hanji Yehova meza mukutakana ni yami; cheswacho mangulweza, yami mungukwambulwilacho. Mba iye yaya ku mulundu umwe.

Mateu 16:26

Mumu kuchi mutu mafumbuka kachi malipichisa hashi heswe, alioze matokesa mwono wenyi? Hanji kuchi mutu mahana cha kusumbakenya mwono wenyi?

Mateu 4:5

Hohene Ndiapu yamutwala ku limbo lisandu; wamusele ha kasonga ka tembele,

Yoano 5:20

Mumu mwe Tata kakufwila mwe Mwana, kakumulweza yuma yize yeswe iye mwene wakulinga: iye kumakamulweza yitanga yinene yahiana yino, hanga nukakomoke.

1 Petulu 1:24

Mumu musunya weswe unapu ngwe mwambu, ni uhenya wawo weswe ngwe chitemo cha mwambu; mwambu muulela, ni chitemo chawo muchiholoka,

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.