Mateu 4:6 - MUKANDA USANDU WA ZAMBI 1975

⁶ yamba kuli iye ngwenyi, Kachi yena uli mwe Mwana Zambi, limbile hashi; mumu chinasonewa ngwo, Kumakahana shimbi kuli angelo jenyi ha kutwala kuli yena: ha moko jo kumakakumbata, kuchina muhukana chiliato che ku liwe.

Mukanda Wa Zambi 1970

⁶ yamwamba ngwenyi: “Nyi mwe Mwana Zambi yena, liechelele, uholoke hashi, mumu hichinasonewa mu Mukanda wa Zambi ngwo: ‘Zambi makambila tunganda twenyi a mwilu hakutwala kuli yena ngwenyi: Maakakuzundula ha moko jo, Hanga kuuchi kuhukana ku liwe.’ ”

Mateu 4:6 Iomraidhean Croise

Jobe 1:10

Ngwami, Hiwamushichila chipanga cha kumufunga sali ni sali, ni zuwo lienyi, ni upite wenyi weswe. Hiwawahisa milimo ya moko jenyi, ni yikumba yenyi yoka mu chifuchi.

Jobe 5:23

Chipwe mawe a mu yambu mapwa tusendo twe; ni ngongo ja mu yambu mapwa ni sambukila kuli yena.

Miaso (Masamu) 34:20

Kakufunga yifwaha yenyi, chipwe chimuwika kuchamakukine.

Miaso (Masamu) 34:7

Mungelo wa Yehova kakutunga chilombo chenyi cha kujingilika waze akumuvwila woma, kakwapulula.

Mateu 4:4

Alioze iye wakumbulwile ngwenyi, Chinasonewa ngwo, Hi ku mbolo wika ko, mutu mapwa ni mwono, alioze ku maliji eswe akutuhuka mu kanwa lia Zambi.

2 Korintu 11:14

Achi kuchatushimine, mumu chipwe Satana kakulihipula ngwe mungelo wa pangu.

Hebreu 1:14

O eswe te hi maspiritu a kuvumbika ko, a kutumiwa mukuvumbika, mumu hali waze makahinga ulamwino, nyi?