Mateu 4:24 - MUKANDA USANDU WA ZAMBI 1975

²⁴ Lufuma wenyi wafumanyine mu Seria mweswe; anehene kuli iye waze eswe ayijile, a kukwachika ni misongo yeka ni yeka ni yipupilo, ni akwa ndemoniu, ni akwa musongo wa ngulu, ni akwa kalepa, waawukile.

Mukanda Wa Zambi 1970

²⁴ Lufuma wenyi yafumana mu chifuchi cheswe cha Siria. Kashika, yaamunehena eswe waze ayijile misongo yeka ni yeka, ni waze amwene lamba lieka ni lieka, ni waze abwile ni mwiku wa luchisa, ni akwa chikonya, ni akwa kusosewa. Yesu yaawuka eswe.

Mateu 4:24 Iomraidhean Croise

2 Samuel 8:6

David yasa maswalale mu Seria ya Ndamaseku. A-Seria yalumuka ngamba kuli David. Yamunehena milambu. Kweswako David yatalikisa, Yehova yamwaha kukumba.

1 Yitanga Ya Mianangana 10:1

Muze mwanangana wa pwo wa Shipa yevwa lufuma wa Solomone wa kutwala ku jina lia Yehova, yeza kumweseka ni yihula yikalu.

1 Yitanga Ya Mianangana 4:31

Mumu mana jenyi ahianyine mana ja atu eswe; chipwe a Etane Ka-Ezera, chipwe a Hemane, ni Kalukole, ni Ndalata ana ja Mahole. Lufuma wenyi wahetele ku yifuchi yeswe ya kujingilika.

1 Sango Ja Mianangana 14:17

Lufuma wa David wahetele ku yifuchi yeswe. Yehova wakolesele woma wenyi mavungu eswe.

1 Sango Ja Mianangana 29:2

Ami hinalulika ni tachi jami jeswe ha zuwo lia Zambi yami oru ha yuma ya oru, ni prata ha yuma ya prata, ni unengu ha yuma ya unengu, ni utale ha yuma ya utale, ni mitondo ha yuma ya mutondo, ni sardonica, ni mawe a kulamika, ni mawe a kutokeka, a ulombo weka ni weka, ni milali yeswe ya mawe alemu, ni a marmore a kulumbama.

Kutuhuka 15:26

Yamba ngwenyi, Kachi yenu munuhalakana pundu ku liji lia Yehova Zambi yenu, nikulinga chize chinate ku meso jenyi, nikupanjika ku maliji jenyi a shimbi, nikufunga yiyulo yenyi yeswe, kachi chichi kusa hali yenu kuyiza nichimwe nasele hali A-Engitu, mumu Yami Yehova, mukwa kunuwuka.

Mateu 12:22

Hohene anehene kuli iye umwe mukwa ndemoniu, kapuputa kanda kamama, wamuwukile, chocho kapuputa kanda kamama wahanjikile, wamwene.

Mateu 14:1

Ha mwaka uze nguvulu Heronde wevwile lufuma wa Yesu,

Mateu 15:22

Kumanyi, pwo wa ku Kanana, wakatukile mu manjiza aze, wakololokele ngwenyi, Mwene, yena Mwana David, nguvwile kama keke, mwanami wa pwo kakupinda chikolo ni ndemoniu.

Mateu 17:15

Mwene, ivwa kama keke hali mwanami wa lunga: mumu musongo wa ngulu kali nawo, kakwivwa lamba chikolo; mumu kanji kakulimbwokela mu kahia, ni kanji mu meya.

Mateu 17:18

Yesu wamwambilile; mba ndemoniu watuhukile muli iye; mwe mwana-lunga wahindukile chize ku ola yize.

Mateu 4:23

Yesu wayile nikujingajinga mu Ngalileya mweswe, nikulongesa mu masunangonga jo, nikwambujola sango lipema lia wanangana, nikuwuka misongo yeswe, ni weji weswe hakachi ka atu.

Mateu 8:28

Muze ahetele mu sali ku chifuchi cha A-Ngandara, akwa andemoniu aali atakanyine nenyi, kanatuhuka hakachi ka mafuka, yitoji asasu chikolo, chocho niumwe kahashile kupalikila jila yize.

Mateu 8:33

Waze aalishile, achinyine, ayile ku limbo, ambulwile yuma yeswe, ni chize chawanyine akwa ndemoniu.

Mateu 8:6

Mwene, mukweze wami kanapombo mu zuwo, ni kupinda chinji, mukwa kalepa.

Mateu 9:26

Lufuma wacho wafumanyine mu chifuchi chize cheswe.

Mateu 9:35

Mba Yesu wayile nikujingajinga ku membo eswe, ni ku yihunda yeswe, nikulongesa mu masunangonga jo, nikwambujola sango lipema lia wanangana, nikuwuka misongo yeswe ni weji weswe mukachi ka atu.

Marku 1:28

Haze hene lufuma wenyi wafumanyine kweswe ku chifuchi cheswe cha kujingilika Ngalileya.

Marku 1:32

Ha chingoloshi, ha kunjila cha tangwa, anehene kuli iye waze eswe ayijile, ni akwa ndemoniu,

Marku 2:3

O yeza kuli iye, nikuneha mukwa kalepa, amumbachile kuli atu awana.

Marku 2:4

Se kahashile kukundama kuli iye mumu ha mbunga, afukwile fulumba muze apwile, ni muze te halokolamo, azezele chalo haze apombele mukwa kalepa.

Marku 2:9

Chashi chika, shina kwamba kuli mukwa kalepa ngwami, Kakukonekena milonga ye, nyi? Shina kwamba ngwami, Katuka, anda chalo che, wende?

Luka 2:2

(Mba asonekene kusoneka chino chitangu muze Kwirinu apwile nguvulu ya Seria).

Luka 4:14

Yesu wahilukilile ni tachi ja Spiritu ku Ngalileya; ni lufuma wenyi wafumanyine ndusu mu chifuchi cheswe cha kujingilika.

Luka 4:38

Iye wakatukile ku sunangonga, wanjilile mu zuwo lia Semone; alioze naye-weno ya Semone wayijile ni kachiki munji; o aliumbile kuli iye, amuhindwise.

Luka 5:15

Alioze lufuma wenyi wamwanganyine mwamwa kuhiana nawa, ni mbunga yinene akungamine mukwivwa, hanga akaawuke ku kukokoloka cho.

Luka 5:24

Alioze hanga nunyingike mwe Mwana Mutu chiyulo akwete hano hashi cha kukonekena milonga, (wambile kuli mukwa kalepa) ngwenyi, Ngunambe kuli yena ngwami, Katuka, anda chalo che, uye ku zuwo lie.

Luka 7:17

Ni liji lino lia kutwala kuli iye liamwanganyine mu Yundeya mweswe, ni mu chifuchi cheswe cha kujingilika.

Yoano 10:21

Akwo ambile ngwo, Maliji ano hi a kuli mukwa ndemoniu ko. Ndemoniu mahasa kulawisa meso ja kapuputa, nyi?

Yilinga 10:38

ngwami, Yesu wa ku Nazare, ngwe amuwayishile ni maji kuli Zambi ni Spiritu Musandu ni tachi: iye wendele nikulinga yipema, nikuhindwisa waze eswe aamwesene lamba kuli Ndiapu; mumu Zambi wapwile hamwe nenyi.

Yilinga 15:23

o asonekene mukanda wa kutuma ku moko jo ngwo, Apostolo ni makulwana ni mandumbu, kuli mandumbu waze ali hakachi ka akwa mavungu ku Andiakia, ni Seria, ni Selishia, ngwetu, Muoyowenu.

Yilinga 15:41

Iye wapalikile ndusu mu Seria ni Selishia, nikutakamisa yikungulwila.

Yilinga 28:9

Alioze muze alingile chino, akwo nawa waze apwile ni misongo mu tungu yeza, yaawuka.

Yilinga 8:7

Mumu maspiritu a luchisa atuhukile muli anji a kuli waze apwile no, nikukololoka ni liji linene: ni akwa kalepa anji ni yilema aawukile.

Yoshua 6:27

Chocho Yehova wapwile hamwe ni Yoshua, mba lufuma wenyi wayile chifuchi cheswe.