Mateu 4:16 - MUKANDA USANDU WA ZAMBI 1975

¹⁶ Atu aze atwamine mu milima hanamono pangu linene, Waze atwamine mu chifuchi cha kufwa ni Chizulie chacho, Kuli ayo pangu hilinasoloka.

Mukanda Wa Zambi 1970

¹⁶ Atu a ku yifuchi yize, te atwama mu milima, haanamono pangu linene! Waze te atwama mu chifuchi cha kufwa, Pangu hilinaapangulwisa!”

Mateu 4:16 Iomraidhean Croise

Jobe 10:22

chifuchi chize cha kulá ni kuvundangenya, kuze pangu liako liapwa milima.

Jobe 3:5

Kulá ni milima pwi yikalizuke. Malelwa akalizulamine; milima ya ha mwalwa yikalikolese mwongo.

Jobe 34:22

Kukushi kulá hanji milima pwi kuze akwa kulinga yipi mahasa kuswama.

Miaso (Masamu) 44:19

Chipwe hiwatufwenya mu chihela cha mikuza; hiwatuzulamina ni Chizulie cha kufwa.

Izaya 9:1

Kukuchi kupwa milima kuli yoze wapwile mu hunya. Kunyima te wakokele chifuchi cha Zapulone ni cha Napatali mu sau, alioze mu matangwa a kusula kumakasa uhenya ha jila ya ku kalunga-lwiji, chifuchi cha sali lize lia Yordau, Ngalileya ya mavungu.

Izaya 9:2

Atu aze endele mu milima hamona pangu linene; waze atwamine mu chifuchi cha milima pwi, hali ayo pangu linene hilinapanguka.

Jeremia 13:16

Chichimiekenu Yehova Zambi yenu shimbu kanda aneha milima, shimbu molu jenu kanda atalinga ha milundu ya kajimba-usoko. Shimbu munufupa pangu iye malialumuna Chizulie cha kufwa, nikulipwisa milima pwi.

Amose 5:8

Yoze watangile Kungulwila ni Muta-ni-kawa, yoze wakwalumuna ufuku pwi mu kucha, yoze wakwalumuna mwalwa mu ufuku, yoze wakusanyika meya a kalunga-lwiji nikwazukwila ha kuzazuluka cha hashi, jina lienyi Yehova,

Mika 7:8

Ena mukwa kole yami, kanda unguyunga. Chipwe mungulimbuka hindu munguhinduka nawa. Chipwe mungutwama mu milima Yehova mapwa pangu kuli yami.

Luka 2:32

pangu lia kutemwina akwa mavungu, ni uhenya wa atu je, A-Izalele.