Mateu 4:12 - MUKANDA USANDU WA ZAMBI 1975

¹² Achi, muze Yesu evwile ngwo, Hasa Yoano mu zuwo lia ususu, wakatukile aye ku Ngalileya.

Mukanda Wa Zambi 1970

¹² Muze Yesu hevwa ngwo, Yoano haamusa mu zuwo lia lamba, yaya ku chifuchi cha Galilea.

Mateu 4:12 Iomraidhean Croise

Mateu 11:2

Achi, muze Yoano evwile mu zuwo lia ususu yitanga ya Kristu, watumine tumbaji twenyi,

Mateu 14:3

Mumu te Heronde wakwachile Yoano kulu, wamukashile, wamusele mu zuwo lia ususu, mumu hali Herondeya, pwo lia mwanakwo Fwilipe.

Marku 1:14

Achi, muze te hakunjika Yoano ku zuwo lia ususu, Yesu wejile ku Ngalileya, nikwambujola sango lipema lia wanangana wa Zambi.

Marku 6:17

Mumu Heronde te watumine kulu, wakwachile Yoano, wamukashile mu zuwo lia ususu, mumu hali Herondeya, pwo lia mwanakwo Fwilipe; mumu te hamumbata.

Luka 23:5

Alioze ashinjikile kuhiana chikolo, ngwo, Kakuvundula atu eswe, nikulongesa kweswe mu Yundeya, nikuputuka ku Ngalileya ndo ku kuno.

Luka 3:20

wawezele chino nawa ku yikwo yeswe, wájilile Yoano mu zuwo lia ususu.

Luka 4:14

Yesu wahilukilile ni tachi ja Spiritu ku Ngalileya; ni lufuma wenyi wafumanyine ndusu mu chifuchi cheswe cha kujingilika.

Luka 4:31

Iye wapalumukine ku Kafwanaume, limbo lia mu Ngalileya, waalongesele ha masambata.

Yoano 1:43

Muze hikwacha, Yesu wazangile kuya ku Ngalileya, iye yawana Fwilipe; yamba kuli iye ngwenyi, Ngukaule.

Yoano 2:11

Chino chitangu cha ku yilayi yenyi Yesu wachilingile mu Kena, chihunda cha mv Ngalileya, nikusolola uhenya wenyi; ni tumbaji twenyi amufulielele.

Yoano 3:24

Mumu Yoano kanda amumbila mu zuwo lia ususu.

Yoano 4:43

Kulutwe lia matangwa aali, wakatukile kuze, wayile ku Ngalileya.

Yoano 4:54

Chino che chilayi chamuchiali Yesu walingile muze te hakatuka ku Yundeya, haheta ku Ngalileya.