Mateu 4:10 - MUKANDA USANDU WA ZAMBI 1975

¹⁰ Hohene Yesu yamba kuli iye ngwenyi, Sosolokako Satana: mumu chinasonewa ngwo, Ukawayile Mwene Zambi ye, iye wika ukamulingile.

Mukanda Wa Zambi 1970

¹⁰ Yesu ngwenyi: “Katuka Sakwonga! Mumu hichinasonewa mu Mukanda wa Zambi ngwo: ‘Ukawayile Mwene Zambi ye, ukamulingile iye waka!’ ”

Mateu 4:10 Iomraidhean Croise

1 Sango Ja Mianangana 21:1

Satana yalimika ni Izalele. Yasongojola David alule A-Izalele.

Jobe 1:12

Yehova yamba kuli Satana ngwenyi, Upite wenyi weswe mu kwoko lie uli, alioze mwene kanda umusunga. Chocho Satana yakatuka kumeso ja Yehova.

Jobe 1:6

Tangwa limwe ana a Zambi yeza kusoloka kumeso ja Yehova. Satana yeza hakachi ko.

Jobe 2:1

Kwapwile nawa tangwa likwo ana a Zambi yeza asoloke kumeso ja Yehova ni Satana yeza nawa hakachi ko akasoloke kumeso ja Yehova.

Miaso (Masamu) 109:6

Upwise kama chingulungulu helu lienyi. Mukwa kulimika akamane kwe ku chindume chenyi.

Kutuhuka 23:25

Nukavumbike Yehova Zambi yenu. Iye kumakawahisa kulia chenu ni meya jenu. Kumungukachiza kuyiza hakachi kenu.

Izaya 30:22

Henaho munukachisa tuponya twenu a kwola ni kufuka ni prata, ni tuponya twenu a kuzuzulula ni kufuka ni oru. Munukaamwanga ngwe chuma cha luchisa, nikwamba ngwenu, Katukenuko!

Mateu 16:23

Alioze watewulukilile kuli Petulu ngwenyi, Sosolokako kunyima yami, Satana: uli chitalingiso kuli yami: mumu kushi kunyonga yuma ya Zambi alioze yuma ya atu.

Marku 1:13

Iye wapwile mu puya makumi awana a matangwa, kanamweseka kuli Satana; wapwile hamwe ni ngongo; angelo amuvumbikile.

Luka 10:18

Iye wambile kuli ayo ngwenyi, Namwene Satana kanaholoka mwilu ngwe muhenyo.

Luka 11:18

Nyi kachi nawa Satana malihandununa mwene, ngwe kuchi wanangana wenyi muukola? Mumu nunambe ngwenu, kakutuhwisa andemoniu ni tachi ja Mbelezepu.

Luka 13:16

Mba yono pwo, se iye mwana wa Apalahama, yoze Satana hanamukase kumi lia miaka ni miaka nake! kuchatambile kumutusula ku kana lino ha tangwa lia Sambata, nyi?

Luka 22:3

Mba Satana wanjilile muli Yundase, jina lienyi likwo, Ka-Keriote, yoze hanamwalula wa kuli kumi ni aali.

Luka 22:31

Mba Mwene wambile ngwenyi, Semone, Semone, tala, Satana hananufupu hanga akanusale ngwe tiliku.

Luka 4:8

Yesu wamukumbulwile, ngwenyi, Sosoloka kunyima yami, Satana, mumu chinasonewa ngwo, Ukawayile Mwehe Zambi ye, Iye wika ukamulingile.

Yoano 13:27

Kulutwe lia lupapa, hohene Satana wanjilile muli iye. Yesu kashika yamba kuli iye ngwenyi, Chize mulinga, linga nikawashi.

Yilinga 26:18

Mukulawisa meso jo, hanga akatewuluke ku milima ndo ku pangu, ku tachi ja Satana ndo kuli Zambi, hanga akatambule ukonekeno wa milonga, ni chihinga hakachi ka waze hanaasela ku usandu ku Ufulielo kuli yami.

Yilinga 5:3

Alioze Petulu wambile ngwenyi, Ananiya, kuchi te Satana hanazalisa mbunge ye kuhanjika mahuza kuli Spiritu Musandu, ukasweke chihanda cha ndando ya munda?

1 Korintu 5:5

nukakunjike umwe ngwe yono kuli Satana akenyeke musunya, hanga akalamwine Spiritu ha tangwa lia Mwene Yesu.

1 Korintu 7:5

Kanda nulilaka umwe ni mukwo, shina muchipwa ha kulitesa ha shimbu limwe, hanga nulitumbikile ku kulemba, hanga nukapwe hamuwika cheka nawa, hanga Satana kechi kanweseka mumu ha ulelu wenu wa kuyula mijimba yenu.

2 Korintu 11:14

Achi kuchatushimine, mumu chipwe Satana kakulihipula ngwe mungelo wa pangu.

2 Korintu 12:7

Ni ha mukunda wa unene wahiana wa usolwelo, kuchina mungulinangamisa kuhiana naye, anguhele mutuwi mu mujimba, kanganda ka Satana, hanga akangumbufule, kuchina mungulinangamisa kuhiana naye.

2 Korintu 2:11

hanga Satana kechi kutuhepwisa; mumu kutwalajalile ha yitaka yenyi.

Shimbi 10:20

Nukavwile woma Yehova Zambi yenu, nukamuvumbike iye, nukamulalaminye, nukalishinge ni jina lienyi.

Tiangu (Jake) 4:7

Lizeyesenu kashika kuli Zambi; aiioze limikenu ni Ndiapu mba kumakanuchina.

Yoshua 24:14

Kashika vwilenu woma Yehova haliapwila, numulingile ni mbunge yimuwika ni kushishika. Chizenu hakachi kenu mazambi aze tulamba twenu akombelelele sali lize lia Lwiji, ni mu Engitu, hanga nukalingile Yehova.

1 Petulu 5:9

Limikenu nenyi, nikujikiza mu Ufulielo, nikunyingika lamba limuwika kulinamanunuka muli mandumbu jenu waze ali hano hashi.

1 Samuel 7:3

Samuel yamba kuli A-Izalele eswe ngwenyi, Nyi nunahilukila Yehova ni mbunge jenu jeswe katwisenu hakachi kenu mazambi eka ni Asatarote nukatalikise mbunge jenu kuli Yehova nikumulingila iye wika. Mba kumakanupulula kuli A-Filistea.