Mateu 3:7 - MUKANDA USANDU WA ZAMBI 1975

⁷ Alioze muze amwene anji a kuli A-Fwariseu ni A-Satuseu kaneza ku upapachiso wenyi, yamba kuli ayo ngwenyi, Yenu, vungu lia yihili, iya unakanutoweza kuchina utenu uze muwizaho?

Mukanda Wa Zambi 1970

⁷ Ha kumona Afariseu ni Asaduseu anji kaanezaza hanga aapapachise, Yoano yaahula ngwenyi: “Yenu, vungu lia yihili, iya unakanutoweza kuchina ufwatulo wa Zambi uze muukeza?

Mateu 3:7 Iomraidhean Croise

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

Yishima 28:4

Waze akwehuka shimbi kakuhalisa yingulungulu; alioze akwa kulinga shimbi kakulimika no.

Izaya 59:5

Kakutota monda ja fwiji, kakuseleka wandajili. Mweswe malia monda jo kumafwa, mba chipwe mafwenya limwe, yenge kumatuhukamo.

Jeremia 51:6

Chinenu hakachi ka Babilonia, mutu mweswe alamwine mwono wenyi! Kanda anusutula mu kastigu yenyi mumu mwaka wa kukala wa Yehova, uno, che kufwetesa chenyi kuli iye.

Jeremia 6:10

Kuli iya munguhasa kuhanjika nikumutoweza hanga akangwivwe? Matwi jo hanajiki, kahashile kupanjika. Liji lia Yehova liapwa kuli ayo chuma cha kulelesa, kawahililile nalio.

Mateu 12:24

Alioze muze A-Fwariseu achivwile, ambile ngwo, Yono keshi kutuhwisa andemoniu shina ni tachi ja mwata wa andemoniu.

Mateu 12:34

Enu, vungu lia yihili! ngwe kuchi munuhasa kuhanjika yipema se nuli yingulungulu? Mumu ku kulumbama cha mbunge kanwa mulihanjika.

Mateu 15:12

Hohene tumbaji twenyi ejile, ambile kuli iye ngwo, Unanyingika, nyi? A-Fwariseu muze evwanga liji lino, evwanga wuli.

Mateu 16:1

A-Fwariseu ni A-Satuseu ejile kuli iye, nikumweseka, amwichile kwalweza chilayi cha mwilu.

Mateu 16:6

Yesu wambile kuli ayo ngwenyi, Talenu, keyelenu futunwiso ya A-Fwariseu ni A-Satuseu.

Mateu 22:15

Hohene A-Fwariseu ayile, atwame punga ngwe chize mahasa kumutela ha kuhanjika chenyi.

Mateu 22:23

Ha tangwa lize, A-Satuseu ejile kuli iye, waze akwamba ngwo, Uhindukilo wa afu wakuhi niumwe: no amuhulile ngwo,

Mateu 22:34

Alioze A-Fwariseu muze evwile ngwo, Haholesa A-Satuseu, alikungulwile hamuwika.

Mateu 23:33

Yenu tupela! vungu lia yihili! ngwe kuchi munwomboka ku upatwilo wa Ngehena.

Mateu 5:20

Mumu ngunambe kuli yenu ngwami, Kunuchi kanjila nichimwe mu wanangana wa malilu shina ululi wenu muuhiana uze wa akwa kusonyeka ni A-Fwariseu.

Marku 12:13

O atumine kuli iye amwe a kuli A-Fwariseu ni a kuli A-Heronde, hanga akamutete ha kuhanjika chenyi.

Marku 12:18

Ni A-Satuseu yeza kuli iye, waze akwamba ngwo, Uhindukilo wakuhi niumwe; o amuhulile ngwo,

Marku 8:15

Iye waakanyamishine ngwenyi, Kanyamenu, keyelenu futunwiso ya A-Fwariseu, ni futunwiso ya A-Heronde.

Luka 16:14

A-Fwariseu nawa, waze apwile akwa kufwila mbongo, evwile yino yuma yeswe; amukekwine.

Luka 18:11

Ka-Fwariseu wamanyine nikulemba kuli iye mwene ngwenyi, Zambi, ngunakusakwila yami chapwile ngwe atu akwo, akwa mbenga, yihenge, yitanji, hanji chipwe ngwe yono mukwa kufwetesa lijimu.

Luka 7:30

Alioze A-Fwariseu ni akwa shimbi alitunyine ha kutwala kuli ayo ene mana ja Zambi, se kaapapachishile kuli iye.

Yoano 1:24

O atumiwine kuli A-Fwariseu.

Yoano 8:44

Yenu nuli a kuli tatenu Ndiapu, nwakuzanga kulinga usolo wa tatenu. Iye wapwile chingalwe chize ku uputukilo, kamanyine mu umwenemwene, mumu umwenemwene wakuhi muli iye, niumwe. Muze mahanjika mahuza, kanahanjika nichenyi mwene; mumu iye mukwa mahuza ni mwe tato ya mahuza.

Yoano 9:40

Waze a kuli A-Fwariseu apwileko hamwe nenyi, evwile yino yuma, o ambile kuli iye ngwo, Ni yetu nawa tuli tupuputa, nyi?

Yilinga 15:5

Alioze kwakatukile amwe a ku mbunga ya A-Fwariseu, waze afulielele, ngwo, Chatamba kwapwisa ngalami, ni kwaamba akafunge shimbi ya Mose.

Yilinga 20:31

Kashika lenu, iwulukenu ngwe ha miaka yitatu, ufuku ni mwalwa, chalitwaminyine kukanyamisa mweswe wa kuli yenu ni masoji.

Yilinga 26:5

o angunyingikine kunyima chize ku uputukilo wawo, kachi matá kushindakenya, ngwe nikulita ni mbunga ya kuzeyela chikolo ku uwayilo wetu, napwile Ka-Fwariseu.

Yilinga 5:17

Alioze sasendote mukwa lutwe wakatukile, ni waze eswe apwile hamwe nenyi, (te mbunga ya A-Satuseu), te kanazala tò ni ukwa.

A-ROMA 1:18

Mumu utenu wa Zambi kuunasoloka wa kukatuka mwilu ha utanganyanyi weswe ni uhenge weswe wa atu, waze kakufungika umwenemwene ni uhenge;

A-ROMA 5:9

Shinaho chikolo kashika, se hanatusambisa haliapwila ni manyinga jenyi, kuli iye makatulamwina ku utenu.

1 Tesalonika 1:10

nikutwaminyina Mwanenyi ku malilu, yoze amuhindwishile hakachi ka afu, iye Yesu, yoze wakutupulula ku utenu uze muwizaho.

Hebreu 11:7

Ku Ufulielo Noe wa kufumba kuli Zambi ha kutwala ku yuma yize kanda yichimoneka, se wevwile woma wa Zambi, walulikile ulungu akalamwine akwa zuwo lienyi; chochene wahishile akwa hashi, amupwishile swana ya ululi uze wakulita ni Ufulielo.

Hebreu 6:18

Hanga ku yuma yiali kuyishi kuhasa kwalumuka, mu yino Zambi kechi kuhasa kuhanjika mahuza, tukapwe ni kulembejeka cha ngolo, yetu hitunachinyina kukwata ku kutalatala chize chili kulutwe lietu.

1 Yoano 3:10

Muno kanasoloka ana a Zambi, ni ana a Ndiapu: mweswawo keshi kulinga ululi hi wa kuli Zambi ko, ni yoze keshi kuzanga ndumbwenyi.