Mateu 3:6 - MUKANDA USANDU WA ZAMBI 1975

⁶ waapapachishile mu lwiji Yordau, o nikushikisa milonga yo.

Mukanda Wa Zambi 1970

⁶ Yaashikisa milonga yo, mba Yoano yaapapachisa papachisa mu lwiji Yordau.

Mateu 3:6 Iomraidhean Croise

Ezra 10:1

Shimbu Ezera machilemba ni kushikisa, ni kulila, ni kufulamana kulutwe lia zuwo lia Zambi, kwakungulukile kuli iye mbunga yinene ya malunga ni mapwo ni ana a kuli A-Izalele, mumu atu alilile chikolo.

Miaso (Masamu) 32:5

Natayile shili yami kuli yena, uhenge wami chauswekele. Nambile ngwami, Mungushikisa uvulumunyi wami kuli Yehova mba yena wakonekenene uhenge wa shili yami.(Litulike.)

Yishima 28:13

Mweswe masweka uvulumunyi wenyi kechi kawaha; alioze mweswe maushikisa nikuumbila mawana keke.

Ezekiel 36:25

Mungukanusapwila meya apema mba munukapema ku luchisa wenu mweswe. Mungukanupemesa ku mahamba jenu eswe.

Daniel 9:4

Nalembele kuli Yehova Zambi yami ni kushikisa ngwami, Mwene, mwe Zambi munene kole ni woma; yena kuwakufunga usendo ni utu wa zango kuli waze akukuzanga ni kufunga shimbi je,

Alevi 16:21

Arone masa moko jenyi eswe ni aali ha mutwe wa pembe wa mwono. Mashikisa hali iye uhenge weswe wa A-Izalele, ni Utanguko wo weswe, ye shili yo yeswe, akayise ha mutwe wa pembe akamutume ku puya ku kwoko lia umwe wa kutongola kulu.

Alevi 26:40

Alioze nyi mashikisa uhenge wo ni uhenge wa akako, ni mafwefwe aze alingile a kulimika ni yami, ni chize endele nikulimika ni yami,

Kwalula 5:7

hohene akashikise mutonga havulumuna; nikulita ni mutonga wenyi akafwete yeswe lukombo, mba hikuwezaho chihanda chimuwika cha ku yihanda yitano, akahane kuli mwe mwenya mutonga.

Mateu 3:11

Yami chamwenemwene ngunanupapachisa mu meya nulikonyeke: alioze yoze meza kunyima yami kakangana kuhiana yami, haku jenyi chatelele kujimbata: iye kumakanupapachisa muli Spiritu Musandu ni mu kahia:

Marku 1:5

Kwatuhukile kuli iye akwa chifuchi cheswe cha Yundeya, ni waze eswe a ku Yerusaleme, iye waapapachishile mu lwiji Yordau, o nikushikisa milonga yo.

Luka 1:16

Kumakatewulwila anji hakachi ka ana a Izalele kuli Mwene Zambi yo.

Luka 3:16

Yoano waakumbulwile eswe, ngwenyi, Yami chamwenemwene, nakunupapachisa mu meya; alioze kumeza yoze wakangana kuhiana yami, yoze lusapo wa ku haku jenyi chatelele kumujitula; iye kumakanupapachisa muli Spiritu Musandu ni mu kahia.

Yilinga 1:5

mumu, Yoano chamwenemwene wapapachishile mu meya; alioze kumakanupapachisa muli Spiritu Musandu, kulutwe lia matangwa akepe.

Yilinga 11:16

Mba newulukile liji lia Mwene, ngwe ambile ngwenyi, Yoano chamwenemwene wapapachishile mu meya; alioze kumakanupapachisa muli Spiritu Musandu.

Yilinga 19:18

Anji a kuli waze afulielele, ejile nikushikisa, nikwambulula yitanga yo.

Yilinga 22:16

Haliapwila, kuchi te unashimbula? Katuka, akupapachise, ukasane milonga ye shimbu muchitambika ha jina lia Mwene.

1 Korintu 10:2

eswe aapapachishile kuli Mose mu lelwa ni mu kalunga-lwiji.

Kolosu 2:12

se hananufundu hamwe nenyi mu upapachiso, mu wenawo hananuhindwisa nawa hamwe nenyi ku Ufulielo ku kulinga cha Zambi, yoze wamuhindwishile hakachi ka afu.

Hebreu 6:2

ni ya longeso lia kusana, ni ya kusayika cha moko, ni ya Uhindukilo wa afu, ni ya upatwilo wa mutolo.

Hebreu 9:10

Se yatwala wika ku yuma ya kulia ni kunwa ni kusana cheka ni cheka, maliji a yiyulo ya musunya, aatwikile ndo mwaka wa kululika yuma yeswe.

Tiangu (Jake) 5:16

Kashika shikisenu milonga yenu umwe kuli mukwo ni mukwo, lilembelenu umwe mukwo ni mukwo, hanga nukahinduke. Kuliumba cha mukwa ululi kuchakutakama chikolo ha kulinga chacho.

Yoshua 7:19

Henaho Yoshua yamba kuli Akane ngwenyi, Mwanami lemesa Yehova Zambi ya Izalele, ukashikise kuli iye. Ngwambulwile chize walinga. Kanda unguswekelacho.

1 Petulu 3:21

Chenacho nawa ni Chizulie cha kulita haliapwila chinanulamwina, te upapachiso, hi kusano ko majilo a musunya akatuke, aiioze kutá cha mbunge yipema kuli Zambi, ku Uhindukilo wa Yesu Kristu;

1 Yoano 1:9

Kachi mutushikisa milonga yetu, kachi iye wamwenemwene, iye mukwa ululi kutukonekena milonga yetu, ni kutupemesa ku uhenge weswe.