Mateu 3:16 - MUKANDA USANDU WA ZAMBI 1975

¹⁶ Muze te hamupapachisa, Yesu watutukile mu meya, ni kumanyi, malilu azulukile kuli iye, neye wamwene Spiritu ya Zambi kanahulumuka ngwe katele, nikwiza hali iye.

Mukanda Wa Zambi 1970

¹⁶ Muze Yoano hamupapachisa, Yesu yatutuka mu meya. Ha shimbu lizeliene mwilu yimwazulukila. Neye yamona Mwiku wa Zambi nikumuhulumukina ngwe liembe.

Mateu 3:16 Iomraidhean Croise

Izaya 11:2

Spiritu ya Yehova makahwimina hali iye, Spiritu ya malinjekela ni yinyingi, Spiritu ya yiyulo ni ndundo, Spiritu ya mana ni woma wa Yehova.

Izaya 42:1

Talenu kavumbi kami yoze ngunamukundwiza, yoze wa kusakula kuli yami, mbunge yami yinawahilila muli iye. Hinamusa Spiritu yami, kumakasolola ululi kuli akwa mavungu.

Izaya 59:21

Yehova kanambe ngwenyi, Ha kutwala kuli yami, usendo wami kuli ayo muupwa uno ngwami, Spiritu yami yoze watwama hali yenu ni maliji jami aze hinasa mu kanwa lienu kechi kakatuka mu kanwa lienu, chipwe mu makanwa ja ana jenu, chipwe mu makanwa ja ajikulu jenu chize ku tangwa lia musono ndo ku miaka ya mutolo. Chocho kanambe Yehova.

Izaya 61:1

Spiritu ya Mwene Yehova hwali hali yami, mumu Yehova hananguwayisa ngukanehe sango lipema kuli yiswale. Hanangutumu ngukawuke waze amakuka mbunge, kwambujola kutusuka kuli funge, ni kwazulwila mapito a zuwo lia ususu kuli waze anakashiwa.

Ezekiel 1:1

Ha mwaka makumi atatu, ha kakweji wamuchiwana, ha tangwa liamuchitano lia kakweji, te nguli hakachi ka njize ku lwiji Chebare, malilu azulukile, mba yingumona usolwelo wa Zambi.

Marku 1:10

Haze hene ha kututuka mu meya, wamwene malilu a kupula mukachi, ni Spiritu ngwe katele kanahulumuka hali iye.

Yoano 1:51

Yamba kuli iye ngwenyi, Pundu, pundu, ngunambe kuli yena ngwami, Chize ku haliapwila ndo kulutwe kumukamona lilu liakwazulula, ni angelo ja Zambi nikuzezuka nikuhulumuka hali mwe Mwana Mutu.

Yoano 3:34

mumu yoze Zambi hanamutumu kakuhanjika maliji a Zambi: mumu keshi kuhana Spiritu ku njongo.

Yilinga 1:22

putu ku upapachiso wa Yoano ndo ku tangwa lize amuchijile kuli yetu amutambule mwilu, chatamba umwe wa kuli wano akapwe chela hamwe ni yetu cha Uhindukilo wenyi.

Yilinga 7:56

Mba wambile ngwenyi, Talenu, ngunamono malilu kanazuluka, ni mwe Mwana Mutu kanamana ku chindume cha Zambi.

1 Yoano 5:6

Yoze wejile ku meya ni manyinga, iye Yesu Kristu; hi ku meya wika ko, aiioze ku meya ni ku manyinga.