Mateu 3:12 - MUKANDA USANDU WA ZAMBI 1975

¹² chifujilo chenyi mu kwoko lienyi chili, kumakapemesa liakulu chizungwilo chenyi, kumakakungila tiliku lienyi mu chila, alioze yizungu makayocha ni kahia kaze kukeshi kuhasa kujima.

Mukanda Wa Zambi 1970

¹² Kali ni lwalo mu kwoko lienyi wa kufuza nacho mbuto. Makakungila tiriku yenyi mu chila, alioze yizungu makayocha mu kahia kaze kukeshi kujima nichimwe!”

Mateu 3:12 Iomraidhean Croise

Jobe 21:18

O kakupwa ngwe mwambu mu fuji? Kakupwa ngwe yizungu yize yakuhehuka ni kangonga?

Miaso (Masamu) 1:4

Yingulungulu keshi kupwa chocho. O kapwa ngwe yizungu yize yakuhehuka ni fuji.

Miaso (Masamu) 35:5

Akapwe ngwe yizungu yize yinahehuka ni fuji, mungelo wa Yehova akaahehule.

Izaya 1:31

Mukwa tachi malumuka ngwe uhu, ni milimo yenyi muyipwa leka lia kahia, yeswe ni yiali muyiwema hamuwika, ni yoze mayijima wakuhi.

Izaya 17:13

Mavungu kanachungula ngwe kuchungula cha meya anji. Alioze kumakaakanda mba machina kusuku. Maahuma ngwe yizungu mu fuji ha milundu, ngwe fufuta ya kuhehula kulutwe lia kangonga.

Izaya 27:4

Kumwatwamine muli yami niumwe ufwatulo. Nyi kachi napwa ni mikalale yimwe hanji mingonga yimwe ya kulitachika nayo, kachi mungulindangana nayo, kachi munguyocha hamuwika.

Izaya 28:28

Kakundonda mbuto ya mbolo? Hi chocho ko. Keshi kuyizungula matangwa eswe, muze mapalikisaho roda ya temba lienyi ni tuvwalu twenyi, kayifwenyene.

Izaya 30:24

Ni ngombe ni yimbulu aze akulima hashi malia yuma ya kulungiwa ni mungwa, te mwambu wa kuumisa ni pá ni chifujilo.

Izaya 41:16

Munukayifuza ni fuji muyikayihehula. Kangonga makaamwanga. Mba munukawahilila muli Yehova; munukalisamba muli mwe Musandu wa Izalele.

Izaya 5:24

Kashika chizechene ngwe mulengi wa kahia kuwakulalisa mwambu umu, chizechene ngwe mwambu umu muunonga mu mulengi, chocho muji wo muupwa kupola, ni yitemo yo muyihehuka ngwe fufuta. Mumu hanalitunu shimbi ya Yehova-wa-Tujita, hanalelesa liji lia mwe Musandu wa Izalele.

Izaya 66:24

Makatuhuka akatale mijimba ya afu aze angukatukilile. Mumu vuno lio kechi kafwa, ni kahia ko kukechi kajima. Kumakapwa chuma cha kuvwisa lwaji kuli atu eswe.

Jeremia 15:7

Hinaafuza ni chikungo cha kufuza nacho mwe mu yikolo ya chifuchi. Hinaashiha atu jo, hinonwona atu jami, kakatukile ku ndako jo.

Jeremia 17:27

Alioze nyi kunuchi kungupanjika, kufunga Sambata nikulitwamina kumbata chiteli nikunjila ku yikolo ya Yerusaleme ha Sambata, munguwika kahia mu yikolo yayo, mba mukalalisa palasiu ja Yerusaleme ni kujima ka.

Jeremia 4:11

Ha mwaka uze makamba kuli wano atu ni kuli A-Yerusaleme ngwo, Fuji yimwe ya kahia muyikatuka ku milundu yize kuyishi mitondo mu puya ni kutalikisa kuli mwana wa pwo atu jami; hi kufuza ko hanji kupemesa.

Jeremia 51:2

Mungutuma ku Babilonia akwa kufuza, akamufuze, akahichike chifuchi chenyi chamokomoko, muze mamuheta sali ni sali ha tangwa lia lamba.

Jeremia 7:20

Kashika Mwene Yehova kanambe ngwenyi, Utenu wami ni ufwatulo wami kumuukazukuka homa hano hali atu, ni yimuna, ni ha mitondo ya mu minda ni ha mihuko ya mavu, kumuukalekwoka, kechi kuhasa kuujima.

Hosea 13:3

Kashika mapwa ngwe mbundu ya chimene; hanji ngwe mume uze wakuma washi; ngwe yizungu yize yakuhehuka ku chizungwilo hanji ngwe mwishi unakatuka ku njanela.

Amose 9:9

Mumu mungukatuma kusakumuna munyachi wa Izalele hakachi ka mavungu ngwe umwe kakusakumuna musalo wa masekeseke, alioze nikamwe kaliwe mukaholoka hashi kakuhi.

Malaki 4:1

Mumu Yehova-wa-Tujita kanambe ngwenyi, Talenu, tangwa kulineza nikuyila ngwe lutengo, muze akwa kulizata eswe, ni eswe akwa kulinga yipi makapwa ngwe mwambu, ni tangwa lize lineza mulikaaocha mba kechi kalisalaho chipwe muji chipwe mutango.

Mateu 13:30

Echenu yeswe yiali yitatuke hamuwika ndo ku kucha: ha mwaka wa kucha mungukamba kuli akwa kucha ngwami, Kungikenu hatangu mwambu wamokomoko, nukaukase yichita mukuyocha; alioze nukakungile tiliku mu machila jami.

Mateu 13:41

Mwe Mwana Mutu kumakatuma angelo jenyi, kumakakunga yitalingiso yeswe ni waze akulinga uhulia, makaachiza mu wanangana wenyi.

Mateu 13:42

Makayimbila mu lutengo wa kahia: kumukukapwa malilo ni kulikopola ku mazo.

Mateu 13:43

Hohene akwa ululi kumakatemuka ngwe tangwa mu wanangana wa Tato. Yoze uli ni matwi a kwivwa, evwe.

Luka 3:16

Yoano waakumbulwile eswe, ngwenyi, Yami chamwenemwene, nakunupapachisa mu meya; alioze kumeza yoze wakangana kuhiana yami, yoze lusapo wa ku haku jenyi chatelele kumujitula; iye kumakanupapachisa muli Spiritu Musandu ni mu kahia.

Luka 3:17

Chifujilo chenyi mu kwoko lienyi chili, kumakapemesa liakulu chizungwilo chenyi; iye kumakakungika tiliku mu chila yenyi; alioze yizungu kumakayocha ni kahia kaze kukeshi kuhasa kujima.

Yoano 15:2

Mitango yize yeswe muli yami kuyishi kwima mihuko, mayichiza: ni mitango yize yeswe muyima mihuko, mayipemesa, hanga yikeme mihuko kuhiana.