Mateu 3:11 - MUKANDA USANDU WA ZAMBI 1975

¹¹ Yami chamwenemwene ngunanupapachisa mu meya nulikonyeke: alioze yoze meza kunyima yami kakangana kuhiana yami, haku jenyi chatelele kujimbata: iye kumakanupapachisa muli Spiritu Musandu ni mu kahia:

Mukanda Wa Zambi 1970

¹¹ Yami ngunanupapachisa ni meya mu kulweza ngwo, hinwalumuka ku mbunge. Alioze yoze meza kunyima liami makanupapachisa ni Mwiku wa Linanga ni kahia. Kananguhiana yami. Chatelele nichimwe kujitula sapato jenyi.

Mateu 3:11 Iomraidhean Croise

Izaya 4:4

Muze te Mwene hanasanyisa luchisa wa mapwo a mu Zaione ni kuchiza yipeka ya manyinga ku Yerusaleme hakachi ko ni Spiritu ya upatwilo ni Spiritu ya kwocha;

Izaya 44:3

Mumu munguzukula meya ha chifuchi cha pwila, mungusa yitwetwe hashi homu. Munguzukula Spiritu yami hali ana je; munguzukula uwape wami hali waze mukasema.

Zakaria 13:9

Mba chino chihanda chamuchitatu mungukachisa mu kahia nikwapemesa chize atu kakupemesa prata. Mungukaeseka ngwe akweseka oru. Kumakatambika ha jina liami, mba mungukaakumbulula. Mungukamba ngwami, O atu jami. O makamba ngwo, Yehova iye Zambi yami.

Mateu 3:6

waapapachishile mu lwiji Yordau, o nikushikisa milonga yo.

Marku 1:4

Yoano wejile, yoze wapapachishile mu puya, wambujolele upapachiso wa kulikonyeka chize chaneha ukonekeno wa milonga.

Luka 1:17

Kumakaya kulutwe lia meso jenyi ni spiritu ni tachi ja Eliya, mukutewulwila mbunge ja atato kuli ana, ni yihulia ku ukanyame wa akwa ululi; mukululikila Mwene amwe atu aalulikile.

Luka 3:16

Yoano waakumbulwile eswe, ngwenyi, Yami chamwenemwene, nakunupapachisa mu meya; alioze kumeza yoze wakangana kuhiana yami, yoze lusapo wa ku haku jenyi chatelele kumujitula; iye kumakanupapachisa muli Spiritu Musandu ni mu kahia.

Luka 3:3

Iye wejile mu chifuchi cheswe cha kujingilika Yordau, nikwambujola upapachiso wa kulikonyeka ha ukonekeno wa milonga;

Yoano 1:15

Yoano washindakenyene hali iye, wakololokele ngwenyi, yono iye nambile ngwami, Yoze meza kunyima yami iye kulutwe liami: mumu iye waliangile.

Yoano 1:30

Yono yoze nambile ngwami, Kunyima yami kumeza lunga, mwenawo kapwa kulutwe liami; mumu waliangile.

Yilinga 1:5

mumu, Yoano chamwenemwene wapapachishile mu meya; alioze kumakanupapachisa muli Spiritu Musandu, kulutwe lia matangwa akepe.

Yilinga 19:4

Paulu wambile ngwenyi, Yoano chamwenemwene wapapachishile ni upapachiso wa kulikonyeka, nikwamba kuli atu, akafuliele yoze meza kunyima yenyi, Yesu te.

Yilinga 8:36

Shimbu machiya mu jila, ahetele ku amwe meya, unuku yamba ngwenyi, Meya ano; chika chinangukwika kutambula upapachiso?

Yilinga 8:38

Iye wambile temba limane; apalumukine nikunjila mu meya, ni Fwilipe ni unuku, iye wamupapachishile.

1 Korintu 12:13

Mumu muli Spiritu umuwika hanatupapachisa yetu eswe mu mujimba umuwika, chipwe A-Yunda, chipwe A-Ngresia, chipwe ndungo, chipwe enya chifuchi, hanatunwisa muli Spiritu umuwika.

Efesu 3:8

Kuli yami, nguli mukepekepe Wahiana eswe wa kuli asandu eswe, hanangwehe vumbi lino, kwambujola hakachi ka akwa mavungu sango lipema lia upite wa Kristu, uze niumwe mahasa kuunyingika;

Titu 3:5

hi ku yitanga ya ululi ko, yize twalingile yetwene, aiioze nikulita ni keke yenyi yinene watulamwinyine, ku kusanyisa cha kusema chaha, ni kupwisa chaha cha Spiritu Musandu.

1 Petulu 5:5

Chizechene twanuke, zeyelenu kuli makulwana, ewa, yenu eswe lijichikenu ni muya wa kulikehesa, hanga nukalivumbike umwe ni mukwo ni mukwo: mumu Zambi kakulimika ni akwa kulizelula, aiioze kakuhana vumbi kuli akwa kulikehesa.