Mateu 28:10 - MUKANDA USANDU WA ZAMBI 1975

¹⁰ Hohene Yesu wambile ngwenyi, Kanda nwivwa woma: yénu, nukambulwile mandumbu jami aye ku Ngalileya, kwenako makangumona.

Mukanda Wa Zambi 1970

¹⁰ Hohene Yesu yaamba ngwenyi: “Kanda nwivwa woma. Yeenu nulweze akwetu aye ku Galilea. Kwenako maakangumona.”

Mateu 28:10 Iomraidhean Croise

Mateu 14:27

Alioze haze hene Yesu wahanjikile no ngwenyi, Hamukenu; yami mwene; kanda nwivwa woma.

Mateu 25:40

Mwanangana makaakumbulula ngwenyi, Pundu ngwami, Mumu te nwachilingile kuli umwe wa kuli akepe ahiana eswe a kuli wano mandumbu jami, nwachilingile kuli yami.

Mateu 25:45

Hohene makaakumbulula ngwenyi, Pundu ngwami, Mumu te kunwachilingile kuli umwe wa kuli wano akepe ahiana eswe, kunwachilingile kuli yami.

Mateu 26:32

Alioze kulutwe lia uhindukilo wami, mungukanutetekela ku Ngalileya.

Mateu 28:16

Alioze e tumbaji kumi ni umuwika ayile ku Ngalileya, ku mulundu uze aashikile Yesu kulu.

Mateu 28:5

Mungelo wakumbulwile, wambile kuli mapwo ngwenyi, Kanda nwivwa woma; mumu ngunanyingika nunafupu Yesu, yoze anakamuhachila ha kulusu.

Mateu 28:7

Yénu nikawashi, nukambulwile tumbaji twenyi ngwenu, Hahinduka mukachi ka afu; iye manutetekela ku Ngalileya; kuze munukamumona: ngwami, Hinanwambulwila.

Mateu 28:9

Kumanyi, Yesu watakanyine no, nikwamba ngwenyi, Vulie! Akundamine, amukwachile ku molu, amuwayilile.

Marku 16:7

Alioze yénu, nukambulwile tumbaji twenyi ni Petulu, ngwenu, Manutetekela ku Ngalileya; kuze munukamumona, ngwe ambile kuli yenu.

Yoano 20:17

Yesu yamba kuli iye ngwenyi, Kanda ungukwata; mumu kanda nguchizezuka kuli mwe Tata: alioze yako kuli mandumbu jami, ukambe kuli ayo ngwe, Munguzezuka kuli Tata kanda Tatenu, ni Zambi yami kanda Zambi yenu.

Yoano 6:20

Alioze yamba kuli ayo ngwenyi, Yami mwene; kanda nwivwa woma.

A-ROMA 8:29

Mumu waze waanyingikine Shimbu-kanda, waafunjikile Shimbu-kanda nawa, hanga akaatese ni kulifwa cha Mwanenyi, hanga iye akapwe mutangu hakachi ka ana akwo anji:

Akwa Kuyula 10:16

Chocho ambilile hakachi ko mazambi a tundaka apwile no. Alingilile Yehova mba iye wevwilile kupiha luyinda wa Izalele.