Mateu 27:54 - MUKANDA USANDU WA ZAMBI 1975

⁵⁴ Achi, kapitau ni waze apwile hamwe nenyi, nikufunga Yesu, muze amwene minyiko ni yuma alingile, evwile woma kuhiana, ngwo, Chamwememwene yono mwe Mwana Zambi.

Mukanda Wa Zambi 1970

⁵⁴ Muze mwata wa tujita ni e tujita waze afungile Yesu haamona kunyika cha hashi ni yize yeswe yabwile ko, yeevwa woma unji, yaamba ngwo: “Chamwenemwene yono mwe Mwana Zambi.”

Mateu 27:54 Iomraidhean Croise

Mateu 26:63

Alioze Yesu waholele. Sasendote wambile kuli iye ngwenyi, Shingo ngunakwehe mu jina lia Zambi ya mwono, Utwambulwile kachi yena uli mwe Kristu, mwe Mwana Zambi.

Mateu 27:36

atwamine, amulayileko.

Mateu 27:40

Yena, Wakwonwona tembele ukayitunge ha matangwa atatu, Ulamwine yena mwene: kachi uli mwe Mwana Zambi, sunuka ha kulusu.

Mateu 27:43

Wakolelele hali Zambi; amupulule haliapwila kachi anamuzange: mumu wambile ngwenyi, Yami nguli mwe Mwana Zambi.

Mateu 27:51

Kumanyi, chikalakala cha hina cha tembele chapulikile mukachi kwilu ndo hashi; ni hashi hanyikine; ni mawe apulikile;

Mateu 4:3

Mukwa kweseka wejile nikwamba ngwenyi, Kachi yena uli mwe Mwana Zambi, amba mawe ano alumuke mbolo.

Mateu 8:5

Muze te Yesu hanjila mu Kafwanaume, kapitau wejile kuli iye, nikuliumba ngwenyi,

Marku 15:39

Ni kapitau, yoze wamanyine hatalanganyi nenyi, muze amwene ngwe akololokele ni chocho wechele mwiku wenyi, wambile ngwenyi, Chamwenemwene, yono mutu mwe Mwana Zambi.

Luka 22:70

O eswe ambile ngwo, Mwe Mwana Zambi yena, nyi? Iye wambile kuli ayo ngwenyi, Chize yenu nunambe pundu, yami nguli.

Yoano 19:7

A-Yunda amukumbulwile ngwo, Shimbi tuli nayo, nikulita ni shimbi yetu chamutamba kufwa, mumu hanalipwisa mwe Mwana Zambi.

Yilinga 10:1

Kwapwile umwe lunga mu Sesarea, jina lienyi Koneliu, kapitau ka mukana wa maswalale uze anauvuluka ngwo, Wa Halia,

Yilinga 2:37

Achi, muze evwile chino alichokele mu mbunge, o ambile kuli Petulu ni apostolo ngwo, Mandumbu, kuchi mutulinga?

Yilinga 21:32

Hohene watwalile hamwe nenyi maswalale ni tupitau, wapalumukine fuji kuli ayo: o muze amwene manjolo ni maswalale alitwaminyine kulamba Paulu.

Yilinga 23:17

Paulu watambikile umwe wa kuli tupitau, wambile ngwenyi, Twalenu mukweze yono kuli manjolo; mumu chuma chimwe ali nacho kumwambulwila.

Yilinga 23:23

Iye watambikile aali a kuli tupitau eze kuli iye, wambile ngwenyi, Lulikenu kulakaji aali a maswalale, hanga akaye ndo ku Sesarea, ni makumi shimbiali a akwa tuvwalu, ni kulakaji aali a akwa makunga ha ola yamuchitatu ya ufuku:

Yilinga 27:1

Muze achipatwile ngwo, Mutwenda mu ulungu ku Italia, akunjikile Paulu ni amwe funge akwo kuli kapitau, jina lienyi Juliu, wa ku chihuji cha Angusetu.

Yilinga 27:43

Alioze kapitau, nikuzanga kulamwina Paulu, waachijile ku upale wo; wambile waze ahashile kusányika alimbile hatangu mu meya, ahete hashi;

A-ROMA 1:4

amwinyikine iye mwe Mwana Zambi ni tachi, nikulita ni Spiritu ya usandu, ha Uhindukilo wenyi hakachi ka afu, iye Yesu Kristu Mwene wetu;

Usolwelo 11:13

Ha ola yize yene kwapwile minyiko yinene, ni chihanda chimuwika cha ku kumi lia yihanda ya limbo chapuzukile; ashihile mu minyiko tununu shimbiali a atu: ni masalila azalile tò ni woma, mba achichimiekene Zambi ya mwilu.