Mateu 27:4 - MUKANDA USANDU WA ZAMBI 1975

⁴ Ngwenyi, Hingunavulumuna mumu hingunakunjika manyinga a kusamba. Alioze o ambile ngwo, Acho chika kuli yetu? Chitale yena mwene.

Mukanda Wa Zambi 1970

⁴ yamba ngwenyi: “Hinavulumuna ni kukunjika yoze keshi chitela cha kufwa.” Alioze yaamukumbulula ngwo: “Mba ayo milonga yetu, nyi? Ayize yinakutale yena mwene!”

Mateu 27:4 Iomraidhean Croise

1 Yitanga Ya Mianangana 21:27

Muze Ahabe wevwile maliji wano yasonya mazalo jenyi, yazala chikeleyi ha mujimba wenyi, yalitwamina kulia, yapomba mu chikeleyi ni kwenda ni vumbi.

1 MIANANGANA 24:4

ni ha manyinga aze amwangine chitela chakuhi. Mumu wazalishile Yerusaleme ni manyinga keshi chitela, mba Yehova kasolo kuchikonekena.

Jobe 13:4

Ha kutwala kuli yenu nwakutomesa ni mahuza; eswe nuli mbuki amokomoko.

Jobe 16:2

Yuma yino hinayivwa kanji; eswe ngwe nuli akwa kulembejeka, kuma nuli akwa kupinjisa.

Miaso (Masamu) 94:21

Kakukungulukila mukulimika ni mwono wa mukwa ululi, nikuhisa manyinga aze anasambe.

Kutuhuka 12:31

Iye yatambika Mose ni Arone ha ufuku, ngwenyi, Katukenu, ni yenu ni A-Izalele, nutuhuke hakachi ka atu jami. Yénu, nukalingile Yehova ngwe hinwamba.

Kutuhuka 9:27

Falau yatuma, yasanyika Mose ni Arone, yamba kuli ayo ngwenyi, Musono navulumuna. Yehova iye mukwa ululi. Yami ni atu jami tuli yingulungulu.

Yishima 12:8

Makachichimieka lunga nikulita ni mana jenyi; alioze makalelesa mukwa mbunge ya kupiya.

Jeremia 26:15

Alioze nyingikenu pundu nyi munungushiha munukoka hali yenu ni ha chihunda chenu ni atu jacho manyinga keshi chitela, mumu pundu Yehova wangutumine kuli yenu kuhanjika maliji ano eswe mu matwi jenu.

Yona 1:14

Kashika atetele kuli Yehova ngwo, Tunaliumbu kuli yena Yehova, tunaliumbu kanda ututayiza kutoka mumu ha mwono wa yono. Kanda ututwika manyinga a kusamba, mumu yena Yehova hiwalinga chize chinakupemena.

Mateu 27:19

Alioze shimbu machitwama ha chitwamo cha upatwilo, mukwo-pwo watumine kuli iye, ngwenyi, Kanda ulinga nichimwe kuli yoze mukwa ululi; mumu namona lamba linji tangwa lino mu chilota mumu hali iye.

Mateu 27:54

Achi, kapitau ni waze apwile hamwe nenyi, nikufunga Yesu, muze amwene minyiko ni yuma alingile, evwile woma kuhiana, ngwo, Chamwememwene yono mwe Mwana Zambi.

Luka 23:22

Iye wambile kuli ayo chisuho chamuchitatu ngwenyi, Kuchi te, chipi chika hanalingi? Chawanyine chitela cha kufwa muli iye, nichimwe; mungumulamba ni shikote, ngumutusule.

Luka 23:41

Yetu chamwenemwene chinatute; mumu tunatambula fweto ya kutela yitanga yetu; alioze yono kalingile nichimwe cha kupiasuka.

Luka 23:47

Muze kapitau amwene chize alingile, wachichimiekene Zambi ngwenyi, Chamwenemwene yono mukwa ululi.

Yoano 19:7

A-Yunda amukumbulwile ngwo, Shimbi tuli nayo, nikulita ni shimbi yetu chamutamba kufwa, mumu hanalipwisa mwe Mwana Zambi.

Yilinga 13:28

O chipwe kawanyine chitela cha kufwa muli iye, hindu echile Pilatu amushihe.

A-ROMA 3:19

Achi, tunanyingika yeswayo shimbi muyamba, muyihanjika kuli waze atwama kushi lia shimbi; hanga makanwa eswe akapakike, ni akwa hashi eswe akahie kuli Zambi:

1 Timoteu 4:2

ku ulembekese wa atu akuhanjika mahuza, hanaáula mu mbunge jo ene.

Titu 1:16

Kakwamba ngwo, Tunanyingika Zambi; aiioze ni yitanga kakulikata iye, akwa kuzelwokesa, yihulia; ha kutwala ku yitanga yeswe yipema yisáshili amokomoko.

Hebreu 7:26

Mumu sasendote mukwa lutwe ngwe yono watutelele, musandu, mukwa kusamba, kalichishile, kahandunuka kuli yivulumunyi, hamusa helu lia malilu.

1 Petulu 1:19

aiioze ni manyinga alemu a Kristu, ngwe a mwanapanga keshi kapalia, keshi chipeka.

1 Yoano 3:12

Hi ngwe Kene ko wapwile wa kuli mwe chingulungulu, washihile mwanakwo; ha chikuma chika amushihilile? Mumu yitanga yenyi yapwile ya ungulungulu, ni yize ya mwanakwo ya ululi.

Usolwelo 11:10

Akwa hashi yawahilila hali ayo, yasehejela; makatumisa yawana umwe kuli mukwo ni mukwo: mumu wano aprofeta aali amwesene lamba akwa hashi.

1 Samuel 15:24

Saulu yamba kuli Samuel ngwenyi, Hingunavulumuna, mumu hinatangula shimbi ja Yehova ni maliji jenu nawa, mumu nevwilile woma e atu nikupanjika ku liji lio.

1 Samuel 15:30

Mba Saulu yamba ngwenyi, Hingunavulumuna, hindu, nungulemese kama haliapwila kumeso ja makulwana a atu jami ni kumeso ja A-Izalele. Hilukenu nwize ni yami ngukawayile Yehova Zambi yenu.

1 Samuel 19:5

Mumu wanjilile mu Utoji ni kushiha mwe Ka-Filistea mba Yehova walingile kukumba chinene hali A-Izalele. Ni yena kuwachimwene, yiuwahilila, kashika kuchi te muvulumuna manyinga keshi mulonga ukashihe David, chitela chakuhi?