Mateu 27:30 - MUKANDA USANDU WA ZAMBI 1975

³⁰ Muze hamufwila mate, akwachile lumbungu amulambilelambile ha mutwe.

Mukanda Wa Zambi 1970

³⁰ Yaamufwila mate, yaatambula lukanda ni kumulambalamba ha mutwe.

Mateu 27:30 Iomraidhean Croise

Izaya 49:7

Yehova, mwe Mukwa-Kukula Izalele, kanda Musandu wenyi, kanambe kuli yoze amulelesele chikolo, yoze amuvwilile lwaji ku mavungu, yoze wapwile kavumbi ka akwa kuyula, ngwenyi, Mianangana mamona mba makatuka; alemu mamona mba mafulamana hashi, ha mukunda wa Yehova, mwe mukwa jika, mwe Musandu wa Izalele yoze waatongwele.

Izaya 50:6

Nahanyine nyima yami kuli akwa kulamba, nahanyine matafu jami kuli akwa kusuta wevu. Chaswekele meso jami ku sonyi ni mate.

Izaya 52:14

Chizechene ngwe anji alishimwokene mumu hali iye— ku meso jenyi te hanalumbulako, kapwile nawa ngwe meso ja mutu, kupwa chenyi te kuchalifwile ni kupwa cha mutu—

Izaya 53:3

Amulelesele, alitunyineye kuli atu. Iye mukwa yinyengo, mukwa kulijilila ni chikulikuli; ngwe umwe atu mamuswekela meso jo, chocho amulelesele. Etu kutwamusele mbunge.

Izaya 53:7

Amuhungumionene, amupinjishile, alioze kapakwile kanwa lienyi. Ngwe mwana-panga yoze mamutwala ku ushihilo, ngwe panga mahola kúlú kumeso ja akwa kumutewula, chochene kapakwile kanwa lienyi.

Mika 5:1

Ena mwana-pwo wa yihuji, likungulule mu yihuji mumu hanatuseleka. Mukwa kuyula Izalele makamulamba ha tafu ni mbwechi.

Mateu 26:67

Hohene yafwila mate ku meso jenyi, yamumbufula, mba amwe amulambile mbangala.

Marku 10:34

o kumakamukekuna, makamulamba ni shikote, makamufwila mate, makamushiha; mba kulutwe lia matangwa atatu, kumakahinduka.

Marku 14:65

Mba amwe aputukile kumufwila mate, nikutuka meso jenyi, nikumumbufula, nikwamba kuli iye ngwo, Profeteza: ni tupita amulambile mbangala.

Marku 15:19

Alambile mutwe wenyi ni lumbungu, amufwilile mate, o nikuliumba makungunwa jo, amuwayilile.