Mateu 26:74 - MUKANDA USANDU WA ZAMBI 1975

⁷⁴ Hohene waputukile kushingana ni kulishinga ngwenyi, Chanyingikine yono mutu. Haze hene ndemba watambikile.

Mukanda Wa Zambi 1970

⁷⁴ Hohene Petulu yabutuka kulikolola ni kulishinga ngwenyi: “Mutu yono chamunyingikine!” Susumuku ndemba yatambika.

Mateu 26:74 Iomraidhean Croise

Mateu 10:28

Kanda nukavwila woma waze akushiha mujimba, hindu kahashile kushiha alma: alioze Shinaho muvwilenu woma yoze mahasa kwonwona ni alma ni mujimba mu Ngehena.

Mateu 26:34

Yesu ngwenyi, Pundu ngwami, Ufuku uno shimbu ndemba kanda achitambika, kumukalikala yami katatu.

Mateu 26:73

Kulutwe hakepe waze amanyineko ejile, ambile kuli Petulu ngwo, Chamwenemwene ni yena nawa uli umwe wa kuli ayo; mumu kuhanjika che chinakusolola.

Mateu 26:75

Petulu wewulukile liji lize amwambile Yesu ngwenyi, Shimbu ndemba kanda achitambika, kumukalikala yami katatu. Watuhukile, Walilile chikolo.

Mateu 27:25

Atu eswe akumbulwile, ngwo, Manyinga jenyi akapwe hali yetu ni hali ana jetu.

Marku 14:30

Yesu yamba kuli iye ngwenyi, Pundu ngunambe kuli yena ngwami, Yena, musono, te ufuku uno, shimbu ndemba kanda achitambika kaali, kumukalikala yami katatu.

Marku 14:68

Alioze walikalile ngwenyi, Chanyingikine, chipwe kuchangulumbunukine chize unambe. Iye watuhukile mushi lia senge; ni ndemba watambikile.

Luka 22:60

Alioze Petulu wambile ngwenyi, Lunga, Chanyingikine chize unambe. Haze hene shimbu machihanjika, ndemba watambikile.

Yoano 18:27

Petulu kashika walikalile cheka nawa: haze hene ndemba watambikile.

A-ROMA 9:3

Mumu ngunahase kulemba yami mwene ngushingiwe kuli Kristu mumu hali mandumbu jami, usoko wami nikulita ni musunya;

1 Korintu 16:22

Kachi umwe keshi kufwila Mwene, akashingiwe. Mwe Mwene kaneza.

Usolwelo 3:19

Waze eswe ngunaazange nakwaámbila, nakwalamba ha kufumba: sako mbunge yeswe kashika, Ulikonyeke.

Akwa Kuyula 17:2

Iye yamba kuli naye ngwenyi, Mbongo jize ja prata kumi lia kulakaji ni kulakaji umuwika akwiyile mba walishingile mwe mu matwi jami, tala, kuli yami jili. Yami najitambwile. Naye yamba ngwenyi, Yehova akuwahise mwanami.

Akwa Kuyula 21:18

Hindu kutwahashile kwaaha mapwo a hakachi ka ana jetu mumu te A-Izalele halishinga ngwo, Mweswe mahana pwo kuli A-Mbenjamine kashingiwa.