Mateu 26:70 - MUKANDA USANDU WA ZAMBI 1975

⁷⁰ Alioze walikalile kumeso ja eswe ngwenyi, Chanyingikine chize unambe.

Mukanda Wa Zambi 1970

⁷⁰ Alioze Petulu yalikala cho ku meso ja atu eswe ngwenyi: “Ahaa! Chanyingikine yuma yize unambe.”

Mateu 26:70 Iomraidhean Croise

Yishima 28:26

Yoze mafuliela mbunge yenyi mwene iye chihepuke; alioze mukwa kwenda ni mana mamupulula.

Yishima 29:23

Kulengumuka cha mutu muchimulimbwisa; alioze mukwa kulikehesa mazuka ulemu.

Yishima 29:25

Kuvwila woma atu muchineha kambwila; alioze mweswe mafuliela Yehova matwama kanawa.

Izaya 57:11

Iya wamuvwilile woma ni mwongo, kashika wahanjikile mahuza, kwangwiwulukile, kwangunyongene chipwe kamuwika? Nahola kwami ha shimbu linene, kashika kwanguvwilile nawa woma.

Jeremia 17:9

Mbunge kuyakwonga kuhiana yuma yeswe, ni kupiha chikolo. Iya mayinyingika?

Mateu 26:51

Kumanyi, umwe wa kuli waze apwile hamwe ni Yesu wolwele kwoko lienyi, watomwene katana kenyi, walambile ndungo ya sasendote mukwa lutwe, wamutetele twitwi lienyi.

Mateu 26:56

Alioze yino yuma yeswe yapwile, hanga yisoneko ya aprofeta yikamanunuke. Hohene tumbaji eswe amwehukile, achinyine.

Mateu 26:58

Petulu wamukawile kanonajila, ndo ku yize ya sasendote mukwa lutwe, neye wanjilile, Watwamine hamwe ni tupita, akamone songo.

Mateu 26:69

Alioze Petulu Watwamine haze mu yize, ni mwana-pwo mukwa milimo wejile kuli iye ngwenyi, Ni yena nawa wapwanga hamwe ni Yesu Ka-Ngalileya.

Mateu 26:71

Muze te hatuhuka haze mushi lia senge, mukwo wamumwene, yamba kuli waze apwileko ngwenyi, Yono nawa kapwanga hamwe ni Yesu Ka-Nazare.

Luka 22:57

Alioze walikalile, ngwenyi, Pwo, chamunyingikine.

A-ROMA 11:20

Mba, ayipatwileho mumu kafulielele, ni yena unamana ku Ufulielo. Kanda ukalengumuka, alioze ivwa woma:

1 Korintu 10:12

Kashika yoze malishinginyeka ngwe kanamana, akakanyame kuchina malimbuka.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.