Mateu 26:61 - MUKANDA USANDU WA ZAMBI 1975

⁶¹ Ambile ngwo, Iye ngwenyi, Ngunahase kwonwona tembele ya Zambi ngukayitunge mu matangwa atatu.

Mukanda Wa Zambi 1970

⁶¹ yaamba ngwo: “Mutu yono hanambe ngwenyi: ‘Ngunahase kwonona zuwo lia Zambi ni kulitunga nawa ha matangwa atatu.’ ”

Mateu 26:61 Iomraidhean Croise

Ubutukilo 19:9

Alioze o ngwo, Katukako. Chikwo nawa ngwo, Yono umuwika wejile kuno kutwama njize, haliapwila halitenga mukwa kuyula. Haliapwila mutukulinga chipi chahiana chize twambanga kulinga ni waze akwo. Chocho amushinjikile chikolo, mwe Lote. Te kwasala hakehe kupula pito.

1 Yitanga Ya Mianangana 22:27

ngwenu, Mwanangana kanambe ngwenyi, Yikila yono mu zuwo lia ususu nukamulise kulia cha luyinda ni meya a luyinda ndo mungwiza nawa ni sambukila.

1 MIANANGANA 9:11

Aho Jehu yatuhuka, yeza kuli tuvumbi twa mwata wenyi. Umwe yamuhula ngwenyi, Cheswe chinawaha nyi? Au chizaluke yika anakukawila? Aye yamba kuli ayo ngwenyi, Te kunwamunyingikine ni yihanjika yenyi?

Izaya 49:7

Yehova, mwe Mukwa-Kukula Izalele, kanda Musandu wenyi, kanambe kuli yoze amulelesele chikolo, yoze amuvwilile lwaji ku mavungu, yoze wapwile kavumbi ka akwa kuyula, ngwenyi, Mianangana mamona mba makatuka; alemu mamona mba mafulamana hashi, ha mukunda wa Yehova, mwe mukwa jika, mwe Musandu wa Izalele yoze waatongwele.

Izaya 53:3

Amulelesele, alitunyineye kuli atu. Iye mukwa yinyengo, mukwa kulijilila ni chikulikuli; ngwe umwe atu mamuswekela meso jo, chocho amulelesele. Etu kutwamusele mbunge.

Mateu 12:24

Alioze muze A-Fwariseu achivwile, ambile ngwo, Yono keshi kutuhwisa andemoniu shina ni tachi ja mwata wa andemoniu.

Mateu 26:62

Sasendote mukwa lutwe wakatukile, wambile kuli iye ngwenyi, Kushi kukumbulula nichimwe? Kuchi wano anashindakenya hali yena?

Mateu 26:71

Muze te hatuhuka haze mushi lia senge, mukwo wamumwene, yamba kuli waze apwileko ngwenyi, Yono nawa kapwanga hamwe ni Yesu Ka-Nazare.

Mateu 27:40

Yena, Wakwonwona tembele ukayitunge ha matangwa atatu, Ulamwine yena mwene: kachi uli mwe Mwana Zambi, sunuka ha kulusu.

Mateu 27:5

Aye wambilile mbongo ja prata mu tembele, yakatuka, yaya, yalisukika.

Marku 14:58

Twamuvwile ngwenyi, Mungukonwona tembele yino ya kutunga ni moko, ni kulutwe lia matangwa atatu, mungukufunga yikwo yize kuyishi kulungiwa ni moko.

Marku 15:29

Waze apalikile amutukile, nikulihunga mitwe yo ngwo, Wóló! Yena Wakwonwona tembele, wakuyitunga ha matangwa atatu,

Luka 23:2

O aputukile kumusuma ngwo, Twawanyine yono mutu nikuhengesa vungu lietu, nikukanjisa kufweta lijimu kuli Sesare, chikwo ngwenyi, Kristu mwanangana yami mwene.

Yoano 9:29

Tunanyingika Zambi wahanjikile kuli Mose; alioze hali yono mutu, kutwanyingikine kuze anakatuka.

Yilinga 17:18

Alioze amwe a kuli akwa mana jo, A-Epikuria ni A-Stoiku atakanyine nenyi, ambile ngwo, Yono mukwa kumbambula kuchi mamba? Akwo ambile ngwo, Kanasoloka ngwe mukwa kwambujola mazambi ja yilambala; mumu wapwile nikwambujola sango lipema lia Yesu ni Uhindukilo.

Yilinga 18:13

ngwo, Yono kakukununa atu kuwayila Zambi ngwe kuchalitele ni shimbi.

Yilinga 22:22

O ahalakanyine ndo ku liji lino; alioze akololokele, ngwo, Chizenu yono mutu hano hashi: mumu katelele kutwama ni mwono.