Mateu 26:55 - MUKANDA USANDU WA ZAMBI 1975

⁵⁵ Ha ola yize yene Yesu wambile ku mbunga ngwenyi, Nunatuhuka ngwe hali muhuza ni tutana ni mbwechi mukungukwata, nyi? Natwamine tangwa ha tangwa hamwe ni yenu nikulongesa mu tembele, mba kunwangukwachile.

Mukanda Wa Zambi 1970

⁵⁵ Ha shimbu lizeliene Yesu yahula mbunga ngwenyi: “Nuneza ni mikwale ni kanda ni kungukwata ngwe nguli muhuza, nyi? Tangwa ha tangwa natwamine mu zuwo lia Zambi nikulongesa, hindu kunwangukwachile ko.

Mateu 26:55 Iomraidhean Croise

Mateu 21:23

Muze anjilile mu tembele, asasendote akwa lutwe ni makulwana ja atu ejile kuli iye shimbu machilongesa ngwo, Ni chiyulo chika wakulinga yino yuma? Iya wakuhele chiyulo chino?

Mateu 26:47

Shimbu machihanjika, Yundase, umwe wa kuli kumi ni aali, wejile, ni hamwe nenyi mbunga yinene ni tutana ni mbwechi, a kuli asasendote akwa lutwe ni makulwana ja atu.

Marku 10:1

Iye wakatukile kuze, yaheta ku manjiza ja Yundeya ni kuze kanda lia Yordau: ni mbunga yakungama kuli iye cheka nawa; iye ngwe ndako yenyi waalongesele cheka nawa.

Marku 12:35

Yesu wakumbulwile, wambile shimbu alongesele mu tembele ngwenyi, Ngwe kuchi akwa kusonyeka akwamba ngwo, Kristu iye mwana David?

Luka 19:47

Iye wapwile nikulongesa tangwa ha tangwa mu tembele, ni asasendote akwa lutwe ni akwa kusonyeka ni akwa lutwe ja atu afupile kumwonwona.

Luka 20:1

Ha tangwa limwe shimbu machilongesa atu mu tembele, nikwambujola sango lipema, asasendote akwa lutwe ni akwa kusonyeka hamwe ni makulwana ejile kuli iye.

Luka 4:20

Iye wapakikile mukanda waukunjikile cheka nawa kuli kalala, Watwamine, ni meso ja eswe mu sunangonga ahulikilile kuli iye.

Yoano 7:14

Alioze muze hapwile hakachi ka chiwanyino Yesu wakandukile ku tembele nikulongesa.

Yoano 7:28

Yesu wakololokele mu tembele, nikulongesa ngwenyi, Nunangunyingika; nunanyingika kuze ngunakatuka nawa; chalinjilile yami mwene, alioze yoze wangutumine, iye wamwenemwene, mwenawo kunwamunyingikine.

Yoano 8:2

Ha kupatwoka ngwangwangwa wahilukile cheka nawa ku tembele, ni atu eswe ejile kuli iye; iye Watwamine, waalongesele.

Yoano 8:20

Maliji ano wahanjikile mu zuwo lia milambu, shimbu alongesele mu tembele: mba niumwe wamukwachile; mumu ola yenyi kanda yichiza.