Mateu 26:5 - MUKANDA USANDU WA ZAMBI 1975

⁵ Alioze ambile ngwo, Hi ha chiwanyino ko, kuchina zungo mulipwa hakachi ka atu.

Mukanda Wa Zambi 1970

⁵ Alioze yaamba ngwo: “Hi ha tangwa lia chiwanyino ko, nyi ka, Vunda jinji mujibwa hakachi ka atu.”

Mateu 26:5 Iomraidhean Croise

Miaso (Masamu) 76:10

Chamwenemwene ufwatulo wa atu muwiza kukuhalisa. Ufwatulo wasalaho mukalijichikawo.

Yishima 19:21

Kutaka chinji chili mu mbunge ya mutu; alioze yiyulo ya Yehova yenayo muyikakola.

Yishima 21:30

Mana a kulimika ni Yehova, hanji malinjekela, hanji yiyulo yakuhi.

Izaya 46:10

Nikulumbununa songo chize ku uputukilo. Chize ku shakulu nakulumbununa yuma kanda ayilinga, nikwamba ngwami, Upale wami muukakola, kumungukalinga chize nafunjikile.

Lungungu 3:37

Iya hatumina chuma mba hichapwa, ndo Mwene wachifunjikile?

Mateu 14:5

Muze azangile kumushiha, wevwile woma wa mbunga, mumu amumwene profeta.

Mateu 21:26

Alioze kachi mutwamba ngwetu, Kuli atu; tunevu woma wa mbunga; mumu eswe kakumona Yoano ngwe profeta.

Mateu 27:24

Achi, muze Pilatu amwene ngwe kalingile nichimwe, alioze te mukupwa zungo, wanjile meya, wasanyine ku moko jenyi kumeso ja mbunga, ngwenyi, Ngunasambe ku manyinga ja yono mukwa ululi, chitalenu yenwene.

Marku 14:12

Ha tangwa litangu lia mbolo yize kuyishi futunwiso, muze ashihile chitapo cha Chizomboka, tumbaji twenyi yamba kuli iye ngwo, Kulihi unazange tukalulike hanga ukalie Chizomboka?

Marku 14:2

Mumu ambile ngwo, Hi ha tangwa lia chiwanyino ko, kuchina hanji mukukapwa zungo hakachi ka atu.

Marku 14:27

Yesu yamba kuli ayo ngwenyi, Yenu eswe kumunukatalinga mumu hali yami: mumu chinasonewa ngwo, Mungukalamba kafunga, mapanga kumakamwangana.

Luka 20:6

Alioze kachi mutwamba ngwetu, Kuli atu; atu eswe kumatwasa mawe; mumu kanakunuka ngwo, Yoano iye profeta.

Luka 22:7

Mba tangwa lia mbolo kuyishi futunwiso hiliaheta, muze chatamba kushiha chitapo cha Chizomboka.

Yoano 18:28

Yachiza Yesu kashika kuli Kayafwa, akaye ku palasiu ya nguvulu; kwapwile chimenemene; ene kanjilile mu palasiu, hanga kechi kulichisa: alioze hanga akalie Chizomboka.

Yilinga 19:29

Limbo liazalile tò ni Chizungozungo: o alundumukine ni mbunge yimuwika ku lwaza, nikukoka hamwe no, Ngayu ni Aristako, akwa Masendoniya, ngeji-ni-akwo a Paulu.

Yilinga 21:38

Yena hi uli Ka-Engitu ko yoze kunyima lia matangwa ano wavundwile atu, watwalile haze mu puya tununu awana a malunga yingalwe, nyi?

Yilinga 4:28

mukulinga cheswacho kwoko lie ni mana je afunjikile Shimbu-kanda.