Mateu 26:42 - MUKANDA USANDU WA ZAMBI 1975

⁴² Cheka nawa chisuho chamuchiali wasosolokele, walembele ngwenyi, Tata, kachi musenge uno kuushi kuhasa kukatuka kuli yami, shina munguunwa, upale we ulingiwe.

Mukanda Wa Zambi 1970

⁴² Yesu yaya chisuho cha muchaali, yalemba ngwenyi: “Tata, nyi kuchalitele kuchiza musenge uno wa lamba, linga ngwe yena unapale.”

Mateu 26:42 Iomraidhean Croise

Mateu 20:22

Alioze Yesu wakumbulwile ngwenvi, Kunwanyingikine chize nunechi. Munuhasa kunwa musenge uze mungunwa yami, nyi? Munuhasa kutambula upapachiso uze mangupapachisa nawo, nyi? Ngwo, Mutuhasa.

Mateu 26:39

Wasosolokele kulutwe hakepe, wafulamanyine nikulemba ngwenyi, Tata, nyi muchitá, musenge uno ukatuke kuli yami: hindu kanda chikapwa ngwe yami ngunapale, alioze ngwe yena unapale.

Mateu 26:43

Wejile cheka nawa, yaawana mu tulo, mumu meso jo alemene.

Mateu 6:10

Wanangana we wize. Upale we ulingiwe hashi chizechene ngwe unalingiwe mwilu.

Marku 14:36

Iye wambile ngwenyi, Ta-ta, Tata, yena unahase yuma yeswe; Chiza kama musenge uno kuli yami: hindu kanda chikapwa chize ngunapale yami, alioze chize yena unapale.

Luka 22:42

Tata, kachi unapale, Chiza kama musenge uno kuli yami, hindu hi upale wami ko, alioze niwe, ukalingiwe.

Yoano 6:38

Mumu hingunahulumuka mwilu, hi mukulinga upale wa yami mwene ko, alioze upale wa yoze wangutumine.

Hebreu 4:15

Mumu sasendote mukwa lutwe kutushi nenyi yoze keshi kuhasa kwivwa keke ha kukokoloka chetu; aiioze yoze hanamweseka ha yuma yeswe chizechene ngwe yetu, hindu shili, ka.