Mateu 26:40 - MUKANDA USANDU WA ZAMBI 1975

⁴⁰ Yeza kuli tumbaji twenyi, yaawana mu tulo, yamba kuli Petulu ngwenyi, Kuma! kunwahashile kulá hamwe ni yami ola yimuwika, nyi?

Mukanda Wa Zambi 1970

⁴⁰ Hohene yahiluka kuli tumbaji waze atatu, yaawana mu tulo, yambila Petulu ngwenyi: “Kuma kunwahashile kunongama kama hamwe ni yami chibwe ola yimuwika, nyi?

Mateu 26:40 Iomraidhean Croise

1 Yitanga Ya Mianangana 20:11

Mwanangana wa Izalele yakumbulula ngwenyi, Mwambulwilenu ngwenu, Mutu malichichimieka ha kuzula yikungo yenyi, hi ha kuyizala ko.

Mwaso Ubema Wahiana 5:2

Nayile tulo alioze mbunge yami yalawile. Ivwa! mukwa zango liami kanangongwela! Ngwenyi, Ngwazuiwile ndumbwami, mukwa zango liami, katele kami kanda niwami mupema mweswe, mumu mutwe wami wawula ni mume, kambu jami jawula ni mume wa ufuku.

Mateu 25:5

Achi, shimbu sandungi ashimbwile, o eswe anongwokene, ayile tulo.

Mateu 26:35

Petulu ngwenyi, Chipwe mungufwa hamwe ni yena, chichi kalikala yena nichimwe. Chizechene nawa ambile tumbaji eswe.

Mateu 26:38

Hohene yamba kuli ayo ngwenyi, Mbunge yami yinevu chinyengo chahiana, ndo ku kufwa: salenu kuno, nulé hamwe ni yami.

Mateu 26:41

Lenu, lembenu, hanga kunuchi kunjila mu cheseko: spiritu chamwenemwene yatakama, alioze musunya ulelu.

Mateu 26:43

Wejile cheka nawa, yaawana mu tulo, mumu meso jo alemene.

Marku 14:37

Iye yeza, yaawana mu tulo, yamba kuli Petulu ngwenyi, Semone, uli mu tulo, nyi? Kwahashile kulá ola yimuwika, nyi?

Luka 22:45

Iye muze akatukile ku kulemba chenyi, wayile kuli tumbaji twenyi, waawanyine mu tulo mumu ha chinyengo.

Luka 9:32

Ahoze Petulu, ni waze apwile hamwe nenyi, azembelele tulo, ni muze alawile pundu, amwene uhenya wenyi ni malunga aali waze amanyine hamwe nenyi.

Akwa Kuyula 9:33

Ha chimenemene, ha kuvumbuka tangwa, nulimeneke nukalundumukine ha chihunda. Muze iye ni malunga aze ali no matuhuka kuli yenu munwalinga cheswacho munuhasa.