Mateu 26:29 - MUKANDA USANDU WA ZAMBI 1975

²⁹ Alioze ngunambe kuli yenu ngwami, Chichi kanwa nichimwe ku yino mihuko ya vindera, chize ku haliapwila ndo ku tangwa lize muze munguyinwa chaha hamwe ni yenu mu wanangana wa Tata.

Mukanda Wa Zambi 1970

²⁹ Ngunanwambulwila ngwami, chichi kanwa nawa vinyu yino ndoo ku tangwa lize mungukanwa vinyu yaha hamwe ni yenu mu Wanangana wa Tata.”

Mateu 26:29 Iomraidhean Croise

Miaso (Masamu) 104:15

ni vinyu yiza ya kuwahisa mbunge ya atu, ni maji a kulejimisa meso jenyi, ni kulia cha kutakamisa mbunge yenyi.

Miaso (Masamu) 4:7

Hiunase chiseke mu mbunge yami, kuhiana chize mapwa nacho muze mbuto yo ni vinyu yo hiyoka.

Miaso (Masamu) 40:3

Wasele mwaso waha mu kanwa liami, ewa, uhaliso kuli Zambi yetu. Anji machimona mba mevwa woma, mafuliela Yehova.

Mwaso Ubema Wahiana 5:1

Hinanjila mu jardine yami, ndumbwami kanda ndungi yami. Hinahela mira yami ni tumbuto twami twa lupembo mupema. Hinalia chiputa chami hamwe ni wuchi wami. Hinanwa vinyu yami hamwe ni yamwa yami. Lienu akwetu, nwenu nawa. Nwenu kanawa akwa zango.

Izaya 25:6

Ha mulundu uno Yehova-wa-Tujita kumakalinga chiwanyino cha yuma ya maji hali mavungu eswe, te chiwanyino cha vinyu yinenguluka, ni yuma ya maji ya tò ni usongosongo, ni vinyu yinenguluka, ya kupemesa kanawa.

Izaya 53:11

Kumakamona mihuko ya lamba lienyi lia mbunge, mba kumakayuka. Kavumbi kami, mwe mukwa ululi, kumakasambisa anji ni chinyingi chenyi. Iye kumakalitwika uhenge wo.

Zefania 3:17

Yehova Zambi ye mwali muli yena, mwe ka jita yoze wakuhana kukumba. Kumakevwa kuwaha ni yena ni chiseke chinji; kumakakuhuzulula mu zango lienyi; kumakalikwiza ni yena ni miaso ya tachi

Zakaria 9:17

Ewa muchikapwa chipema, cha uhenya. Mbuto muyikawahisa akweze ni vinyu yaha muyikawahisa ana-mapwo.

Mateu 13:43

Hohene akwa ululi kumakatemuka ngwe tangwa mu wanangana wa Tato. Yoze uli ni matwi a kwivwa, evwe.

Mateu 16:28

Pundu ngunambe kuli yenu ngwami, Kwali amwe a kuli waze anamana kuno, kechi kumona kufwa nichimwe ndo mamona mwe Mwana Mutu kaneza mu wanangana wenyi.

Mateu 18:20

Mumu kuze aali hanji atatu anakunguluka mu jina liami, kuze kwene yami kunguli mukachi ko.

Mateu 25:34

Hohene Mwanangana makamba kuli waze ali ku chindume ngwenyi, Tweyenu, kunwawaha kuli Tata, nutunge wanangana anululikililewo chize ku kusela cha fundamentu ya hashi:

Mateu 26:28

mumu musenge uno manyinga jami a usendo waha waze anamwangana hali anji ha ukonekeno wa milonga.

Mateu 26:30

Mba muze te hemba mwaso, atuhukile kuya ku mulundu wa Olevwe.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Marku 14:25

Pundu ngunambe kuli yenu ngwami, Chichi kanwa nawa nichimwe ku mihuko ya vindera ndo ku tangwa lize muze munguyinwa chaha mu wanangana wa Zambi.

Luka 12:32

Kanda nwivwa woma, mbunga yikepe; mumu chinawahila Tatenu kunwaha wanangana.

Luka 15:32

Alioze chatamba kusehejela nikuwahilila; mumu yono mwanakwenu wapwile mufu, mba kali ni mwono cheka nawa; watokele, mba hamuwana.

Yoano 15:11

Yino yuma hinahaniika kuli yenu, hanga uwahililo wami ukapwe muli ycnu, ni uwahililo wenu ukazale tó.

Yoano 16:22

Ni yenu kashika haliapwila chinyengo nuli nacho, alioze mungukanumona cheka nawa, ni mbunge jenu mujikawahilila, ni uwahililo wenu niumwe manuchizawo.

Yoano 17:13

Alioze haliapwila mungwiza kuli yena; ni yino yuma ngunahanjika hano hashi, hanga uwahililo wami ukazale tò muli ayo.

Yilinga 10:41

hi kuli atu eswe ko, alioze kuli yela waze Zambi waatongwele kushi, yetu twalile, twanwine hamwe nenyi muze te hahinduka hakachi ka afu.

Hebreu 12:2

Tuhulikilenu meso kuli Yesu, Kaputu kanda mukwa kupwisa ungunu Ufulielo, mwenawo ha uwahililo uze asele kulutwe lienyi, wanyongonwene mu lamba lia kulusu, nikulelesa je sonyi; hanatwama ku kwoko lia chindume lia ngunja ya Zambi.

Usolwelo 14:3

O yemba mwaso waha kulutwe lia ngunja, ni kumeso ja akwa mwono awana ni makulwana; niumwe mahasa kulilongesa mwaso uze shina kulakaji lia tununu ni makumi awana a tununu ni tununu awana, waze aalanjile hashi.

Usolwelo 7:17

Mumu mwe Mwana-panga yoze uli mukachi ka ngunja kumapwa kafunga ko, maasongwela ku mafuji ja meya a mwono: Zambi makusumuna masoji eswe ku meso jo.