Mateu 26:28 - MUKANDA USANDU WA ZAMBI 1975

²⁸ mumu musenge uno manyinga jami a usendo waha waze anamwangana hali anji ha ukonekeno wa milonga.

Mukanda Wa Zambi 1970

²⁸ Mumu musenge uno wa vinyu uli manyinga jami waze anakolesa Usendo wa Zambi, waze anamwangana mumu hali atu anji ha ukonekeno wa milonga.

Mateu 26:28 Iomraidhean Croise

Jeremia 31:31

Yehova kanambe ngwenyi, Matangwa kaneza muze mungukolesa usendo waha ni akwa munyachi wa Izalele ni akwa munyachi wa Yunda.

Alevi 17:11

Mumu mwono wa musunya watwama mu manyinga mba hinaahana ha chilumbilo hali yenu kufuka mwono wenu. Mumu manyinga akufuka, mumu apwa we mwono.

Zakaria 9:11

Ha kutwala kuli yenu nawa, mungukatusula funge jenu ku wina uze kuushi meya mumu ha manyinga ja usendo wami ni yenu.

Mateu 20:28

Chizechene ngwe mwe Mwana Mutu kejileko akamuvumbike, alioze mukuvumbika, nikuhana mwono wenyi ndando ya ukule hali anji.

Mateu 26:27

Wanjile musenge, wasakwilile, wauhanyine kuli ayo, ngwenyi, Nuunwe eswe;

Mateu 26:29

Alioze ngunambe kuli yenu ngwami, Chichi kanwa nichimwe ku yino mihuko ya vindera, chize ku haliapwila ndo ku tangwa lize muze munguyinwa chaha hamwe ni yenu mu wanangana wa Tata.

Mateu 6:12

Utukonekene kama makongo jetu ngwe yetu nawa twakukonekena waze ali ni makongo kuli yetu.

Marku 1:4

Yoano wejile, yoze wapapachishile mu puya, wambujolele upapachiso wa kulikonyeka chize chaneha ukonekeno wa milonga.

Marku 14:24

Iye wambile kuli ayo ngwenyi, Uno manyinga jami a usendo waha, waze anatehuka mumu hali anji.

Luka 22:19

Iye wanjile mbolo, ni muze te hasakwila, wayipalwile, waaheleyo, ngwenyi, Yino mujimba wami auhanyine hali yenu: chino lingenu nukangwiwuluke.

Luka 22:20

Ni musenge chizechene kulutwe lia kulia, ngwenyi, Musenge uno we usendo waha mu manyinga jami, waze anamwangana hali yenu.

A-ROMA 5:15

Alioze chawana cha vumbi kuchapwile ngwe we mulonga. Mumu kachi ku mulonga wa umuwika anji afwile, Shinaho chikolo, vumbi lia Zambi, ni chawana ku vumbi, lia mutu umuwika, Yesu Kristu, lialumbamine kuli anji.

A-ROMA 5:19

Mumu chizechene ngwe ku uhulia wa mutu umuwika anji aapwishile yivulumunyi, chocho nawa ku kwononoka cha mutu umuwika anji kumaapwisa akwa ululi.

1 Korintu 11:25

Chizechene nawa musenge kulutwe lia kulia, ngwenyi, Musenge uno we usendo waha mu manyinga jami: chino lingenu yisuho yeswe munuunwa nikungwiwuluka.

Efesu 1:7

Muli iye, ukule tuli nawo ku manyinga jenyi, we ukonekeno wa milonga yetu, nikulita ni kulumbama cha vumbi lienyi.

Kolosu 1:14

Muli iye ukule wetu tuli nawo ku manyinga jenyi, we ukonekeno wa milonga yetu.

Kolosu 1:20

Muli iye kuwanyisa yuma yeswe kuli iye mwene, se hanalingi sambukila ku manyinga ja ku kulusu yenyi; kuli iye ngwami, Chipwe yuma ya hano hashi, hanji yuma ya mu malilu.

Hebreu 10:29

Kuchi nunanyongo? Yoze hanaliate mwe Mwana Zambi, hanajilula manyinga a usendo aze amuselele no ku usandu, hanasaula mwe Spiritu ya vumbi, lamba lika Mamutela?

Hebreu 13:20

Haliapwila Zambi ya sambukila, yoze wachijile cheka nawa hakachi ka afu Mwene wetu Yesu, mwe kafunga munene wa mapanga, ku manyinga ja usendo wa mutolo,

Hebreu 9:28

chocho Kristu nawa, se hanamulambula kamuwika hanga akambate milonga ya anji, kumakamoneka chisuho chamuchiali, hi ha kutwala ku shili ko, kuli waze akumutalatala ha ulamwino.

1 Yoano 2:2

Iye lie kuka ha milonga yetu; hi ha milonga yetu wika ko, alioza nawa ha milonga ya akwa hashi eswe.

Usolwelo 7:14

Nambile kuli iye ngwami, Mwene wami, yena unanyingika. Iye wambile kuli yami ngwenyi, Waze anatuhuka mu luyinda munene, hanakoso mahina jo ja ngungu, hanaatomesa mu manyinga ja mwe Mwanapanga.

Usolwelo 7:9

Kulutwe lia yino yuma, namwene, mbunga yinene, yize niumwe mahasa kwalula, a ku mavungu eswe, ni ku minyachi yeswe, ni kuli atu eswe, ni ku malimi eswe, kanamana kulutwe lia ngunja, ni kumeso ja mwe Mwana-panga, kanazala mahina a ngungu atoma, ni mitango ya mingaji mu moko jo;