Mateu 26:18 - MUKANDA USANDU WA ZAMBI 1975

¹⁸ Aye ngwenyi, Yénu kwimbo kuli Sanganji, ngwenu, Longeshi kanambe ngwenyi, Mwaka wami uli hakamwihi, mungufunga Chizomboka mu zuwo lie hamwe ni tumbaji twami.

Mukanda Wa Zambi 1970

¹⁸ Yesu ngwenyi: “Yeenu maha Sanganji mu limbo. Mwambenu ngwenu: ‘Longeshi kanambe ngwenyi, ola yami hiyakundama. Maha yena mungulila chiwanyino cha Kubalika hamwe ni tumbaji twami.’ ”

Mateu 26:18 Iomraidhean Croise

Mateu 21:3

Nyi kachi umwe mamba chuma chimwe kuli yenu, nukambe ngwenu, Mwene kanaafupu, mba kamunomuno maatuma.

Mateu 23:10

Chipwe kanda akanuvuluka ngwo, Miata: mumu umuwika Mwata wenu, mwe Kristu.

Mateu 23:8

Alioze yenu kanda akanuvuluka ngwo, Longeshi; mumu umuwika Longeshi yenu, ni yenu eswe nuli mandumbu.

Mateu 26:19

Tumbaji alingile ngwe Yesu waatumine, no alulikile Chizomboka.

Mateu 26:2

Nunanyingika kulutwe lia matangwa aali, Chizomboka muchipwa, mba makakunjika mwe Mwana Mutu akamuhachile ha kulusu.

Mateu 26:49

Haze hene wejile kuli Yesu, ngwenyi, Vulie, Longeshi! mba wamumbejele chikolo.

Marku 5:35

Shimbu achili nikuhanjika, amwe a ku zuwo lia mukwa kuyula sunangonga yeza, yamba ngwo, Mwané hafwa, kuchi te mukatalisa Longeshi nawa?

Luka 22:53

Muze napwile hamwe ni yenu tangwa ha tangwa mu tembele, kunwangukwachile: alioze ola yino niyenu, ni ya je tachi ja milima.

Yoano 11:28

Muze te hamba chocho, wayile, watambikile mwanakwo Maria ku tenga, ngwenyi, Longeshi heza, kanakutambika.

Yoano 12:23

Yesu yaakumbulula, ngwenyi, Ola hiyeza, mwe Mwana Mutu akanjile mu uhenya wenyi.

Yoano 13:1

Achi, shimbu te chiwanyino cha Chizomboka kanda chiheta, Yesu nikunyingika ola yenyi hiyeza akatuke hashi akaye kuli mwe Tata, se hanazange nienyi mwene, waze apwile hano hashi, waazangile ndo ku songo.

Yoano 17:1

Yesu wahanjikile yino yuma; iye nikuhetula meso jenyi kwilu, wambile ngwenyi, Tata, ola hiyeza; chichimieka Mwané, hanga Mwané nawa akakuchichimieke.

Yoano 20:16

Yesu yamba kuli iye ngwenyi, Maria! Iye yatewulukila, yamba kuli iye mu limi lia Hepreu ngwenyi, Rabonai; Unalumbunuka ngwo, Longeshi yami.

Yoano 7:30

Afupile kashika kumukwata, alioze niumwe kamukwachile, mumu ola yenyi kanda yichiza.

Yoano 7:6

Kashika Yesu yamba kuli ayo ngwenyi, Mwaka wami kanda uchiheta; alioze mwaka wenu kuwalulika matangwa eswe.

Yoano 7:8

Kandukenu ku chiwanyino chino; yami chakandukile ku chiwanyino chino haliapwila; mumu mwaka wami kanda uchimanunuka.