Mateu 26:10 - MUKANDA USANDU WA ZAMBI 1975

¹⁰ Alioze Yesu ha kuchinyingika, wambile kuli ayo ngwenyi, Kuchi te nunapikalisa pwo? Mumu halinga chitanga chipema hali yami.

Mukanda Wa Zambi 1970

¹⁰ Alioze Yesu nikunyingika yize te anahanjika, yaamba ngwenyi: “Kuchi nunabikalisa pwo yono? Chize hangulinga, chinabeme.

Mateu 26:10 Iomraidhean Croise

Nehemia 2:18

Naambulwilile ha kutwala ku kwoko lia Zambi yami lize liapwile lipema hali yami, ni maliji nawa aze mwanangana wahanjikile ni yami. O yamba ngwo, Tukatukenu, tutungenu! Chocho atakamishine moko jo ha milimo yipema.

Jobe 13:7

Munuhanjikila Zambi ni mahuza? munumuliongela yuma?

Mateu 26:11

Mumu yiswale nuli no matangwa eswe hamwe ni yenu; alioze kunushi ni yami matangwa eswe.

Mateu 26:9

Mumu mahasa kulanjisa yitumbo yino ha ndando yinene, akayihane kuli yiswale.

Marku 14:6

Alioze Yesu wambile ngwenyi, Mwechenu, kuchi te nunamupikalisa? Halinga chitanga chipema hali yami.

Luka 8:49

Shimbu te achili nikuhanjika, umwe wa ku zuwo lia mukwa kuyula sunangonga yeza, nikwamba kuli iye ngwenyi, Mwané hafwa, kanda ukatalisa Longeshi nawa.

2 Korintu 9:8

Alioze Zambi kanahase kulumbamisa yawana yeswe ya vumbi kuli yenu; hanga yenu, nukapwe matangwa eswe ni kulumbama cheswe ha yuma yeswe, nukahiane mu milimo yeswe yipema:

Galashia 1:7

lize hi sango lipema likwo ko; alioze kwali amwe, waze akunupikala nikuzanga kuhengesa sango lipema lia Kristu.

Galashia 5:12

Ngunazange kachi waze akunupinjisa akaliteteho.

Galashia 6:17

Chize ku haliapwila niumwe kanda akangupinjisa, mumu ngunambata ha mujimba wami yimbambili ya Mwene Yesu.

Efesu 2:10

Mumu yetu tuli chitanga chenyi, atutangile muli Kristu Yesu ha yilinga yipema, yize Zambi walulikile kushi hanga tukendemo.

Kolosu 1:10

hanga nukende ngwe chinatela Mwene ku upemeno weswe, nukeme mihuko ha yitanga yeswe yipema, nukatatuke ni yinyingi yeswe ya Zambi:

2 A-TESALONIKA 2:17

akalembejeke mbunge jenu, akanutakamise mu yitanga yeswe yipema ni maliji eswe apema.

1 Timoteu 3:1

Liji lino liamwenemwene ngwo, Kachi umwe mafupa milimo ya kalayi, kachi mazanga milimo yipema.

1 Timoteu 5:10

kanamushindakenya ha yitanga yipema; kachi hanalele ana kachi hanazumbula ngeji, kachi hanasanyisa yiliato ya asandu, kachi hanakwasa akwa kuyindama, kachi hanakaula yitanga yeswe yipema.

2 Timoteu 2:21

Kashika kachi mutu malipemesa ku yino, kachi makapwa chikwachilo ku ulemu, musandu, wa kutela uvumbiko wa mwata, wa kululika ha yitanga yeswe yipema.

Titu 1:16

Kakwamba ngwo, Tunanyingika Zambi; aiioze ni yitanga kakulikata iye, akwa kuzelwokesa, yihulia; ha kutwala ku yitanga yeswe yipema yisáshili amokomoko.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Titu 3:1

Ukaewulwise kuzeyela kuli mianangana, ni akwa kuyula, akononoke, akalulike kulinga yitanga yeswe yipema.

Titu 3:14

Atu jetu nawa, akalilongese kulalaminya ku yitanga yipema, akahase kukwasa ni yuma yize yinatambe, hanga kechi kapwa ngwe keshi mihuko.

Titu 3:8

Liji lino liamwenemwene. Ha kutwala ku yino yuma ngunazange ukalishinjike, hanga waze hanafuliela kuli Zambi, akase mbunge kulalaminya ku yitanga yipema. Yino yuma yinapeme, yakufumbula atu.

Hebreu 13:21

akanupwise angunu ha yitanga yeswe yipema, mukulinga upale wenyi, akalinge muli yenu chize chakupemena chikolo kumeso jenyi, kuli Yesu Kristu; uhenya ukapwe kuli iye ndo ku miaka yeswe ya mutolo. Amene.

1 Petulu 2:12

Pwenu ni kwenda chenu ngwe chinate hakachi ka akwa mavungu: hanga chipwe manuhanjika ngwe akwa kulinga yipi, ku yitanga yenu yipema yize akumona, akachichimieke Zambi ha tangwa lia kukala ni lia kwononona.