Mateu 25:12 - MUKANDA USANDU WA ZAMBI 1975

¹² Alioze iye wakumbulwile ngwenyi, Pundu ngunambe kuli yenu ngwami, Chanunyingikine.

Mukanda Wa Zambi 1970

¹² Alioze sandungi yaakumbulula ngwenyi: ‘Chamwenemwene ngunanwambe ngwami, chanunyingikine kwami.’

Mateu 25:12 Iomraidhean Croise

Miaso (Masamu) 1:6

Mumu Yehova kananyingika jila ya mukwa ululi, alioze jila ya chingulungulu muyikatoka.

Miaso (Masamu) 5:5

Akwa kulizata kechi kumana kumeso je; wakuvwila kole waze akulinga uhenge.

Habakuke 1:13

Meso je apema naye, kahashile kumona yipi; kwahashile kutala uhenge. Kuchi te wakutala malunga a mafwefwe? Kuchi te wakuhola muze chingulungulu mamina mutu yoze wamuhiana ni ululi?

Mateu 25:11

Kulutwe, ana-mapwo akwo yeza nawa, ngwo, Mwene, Mwene, twazulwile kama.

Mateu 25:13

Lenu kashika, mumu kunwanyingikine tangwa, chipwe ola.

Luka 13:25

Muze te mwenya zuwo hakatuka, hajila pito, munuputuka kumana haze nikungongwela ha pito, nikwamba ngwenu, Mwene, Mwene, twazulwile kama; iye makakundulula akambe kuli yenu ngwenyi, Chanunyingikine kuze nunakatuka.

Yoano 10:27

Mapanga jami kakwivwavwa liji liami, yami ngunaanyingika, no kakungukaula:

Yoano 9:31

Alioze tunanyingika Zambi keshi kwivwa yivulumunyi: alioze kachi umwe mapwa mukwa kuwayila Zambi, malinga upale wenyi, yoze mamwivwa.

1 Korintu 8:3

alioze kachi umwe mazanga Zambi, iye kanamunyingika kuli Zambi.

Galashia 4:9

Alioze haliapwila se nunanyingika Zambi, hanji Shinaho Zambi kananunyingika, ngwe kuchi nunatewulukila cheka nawa ku yikuma yamokomoko ya ulelu ni ya uswale, nukalitenge ndungo jayo nawa, nyi?

2 Timoteu 2:19

Hindu fundamentu yingunu ya Zambi kuyakola, yikwete Chijikilo chino ngwo, Mwene kananyingika ninyenyi; chikwo ngwo, Mweswe mavuloka jina lia Mwene akakatuke ku uhenge.