Mateu 25:1 - MUKANDA USANDU WA ZAMBI 1975

¹ Hohene makapwisa wanangana wa malilu ngwe kumi lia ana-mapwo, aze anjile ndeya jo, akatuhuke mukupatwiza sandungi.

Mukanda Wa Zambi 1970

¹ “Ha tangwa lize, Wanangana wa mwilu muukabwa ngwe chino. Ana mapwo kumi anjile ndeya jo, yaakatuka ni kubatwiza sandungi.

Mateu 25:1 Iomraidhean Croise

Miaso (Masamu) 45:14

Makamuhetesa kuli mwanangana ni mazalo a kwola. *Avirgem-ni-akwo waze akumukaula no nawa makaahetesa kuli yena.

Mwaso Ubema Wahiana 1:3

Maji je a kulikwita kali ni lupembo mupema; jina lie liapwa ngwe maji a kupukumuna, kashika ana-mapwo kakukuzanga.

Mwaso Ubema Wahiana 5:16

Kuhanjika chenyi chinawaha chikolo, ni mwene mweswe te wa kuzanga. Mwenawo mukwa zango liami, mwe mukwetu, enu ana-mapwo a Yerusaleme.

Mwaso Ubema Wahiana 5:8

Ngunanushingisa, enu ana-mapwo a Yerusaleme, nyi munuwana mukwa zango liami, numulweze, ngunayiji ni usona wa zango.

Izaya 54:5

Mumu Tangi ye iye lunga lie, jina lienyi Yehova-wa-Tujita. Musandu wa Izalele iye Mukwa-Kukukula, kakumutongola ngwo, Zambi ya hashi heswe.

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Mateu 13:24

Waatelele chishima chikwo ngwenyi, Wanangana wa malilu walifwa ngwe mutu yoze wakuwile mbuto yipema mu munda wenyi:

Mateu 13:31

Waatelele chishima chikwo ngwenyi, Wanangana wa malilu walifwa ngwe limona wa mosetate, yoze anjile mutu, akuwile mu munda wenyi.

Mateu 13:38

munda he hano hashi; mbuto yipema yino, ana a wanangana; mwambu wamokomoko ana a mwe mupi.

Mateu 13:47

Cheka nawa, wanangana wa malilu walifwa ngwe wanda, uze atelele mu Chitende, wakungile yishi a ku milali yeswe:

Mateu 20:1

Mumu wanangana wa malilu kuunapu ngwe mutu mwenya zuwo, watuhukile ha chimenemene mukulakenya akwa milimo aye ku munda wenyi.

Mateu 22:2

Hanapwisa wanangana wa malilu ngwe mwanangana yoze walulikile ulungi hali mwanenyi,

Mateu 25:7

Hohene waze ana-mapwo eswe ahindukile, akendele ndeya jo.

Mateu 3:2

ngwenyi, Likonyekenu; mumu wanangana wa malilu hiunakundama.

Mateu 5:16

Chizechene pangu lienu likatemuke kumeso ja atu, hanga akamone yitanga yenu yipema, akachichimieke Tatenu yoze uli mu malilu.

Mateu 9:15

Yesu wambile kuli ayo ngwenyi, Akwa ulungi mahasa kulinyenga shimbu sandungi mapwa hamwe no, nyi? Alioze matangwa kumakeza muze makachiza sandungi kuli ayo, mba hohene makalitwamina kulia.

Yoano 18:3

Yundase kashika te hatambula mbunga ya atu ni tupita kuli asasendote akwa lutwe ni A-Fwariseu, yaheta kuze ni masoka ni temo ni yitwa.

Yoano 3:29

Yoze uli ni ndungi, mwe sandungi: alioze kasendo ka sandungi, yoze wakumana nikumwivwa, kakuwahilila chikolo mumu ha liji lia sandungi: uno uwahililo wami kashika unazala tò.

Yilinga 20:8

Ni temo jinji japwile mu chipatulo cha kwilu muze twakungulukilile.

1 Korintu 11:2

Achi, ngunanuhalisa, mandumbu, nwakungwiwuluka ha yuma yeswe; nwakukakaminya ku je ndongo, chizechene ngwe nanukunjikilejo.

2 Korintu 11:2

Mumu ngunanuvwila ukwa umwe wa kuli Zambi: mumu nanulakenyene kuli lunga umuwika hanga ngukanutumbikile kuli Kristu ngwe *virgem wa kulinanga.

2 Timoteu 4:8

Chize ku haliapwila hanangufulikila chipangula cha ululi, chize Mwene, mwe Sopi wa ululi, makangwaha ha tangwa lize; hi kuli yami wika ko, alioze nawa kuli waze eswe akuzanga usolokelo wenyi.

Titu 2:13

nikutwaminyina kutalatala chize chawaha, ni usolokelo wa uhenya wa Zambi yetu munene kanda Chilamwina Yesu Kristu;

Usolwelo 14:4

Waze kalichishile ni mapwo; mumu o malunga a kulinanga. Wano waze akukaula mwe Mwana-panga kweswako maya. Wano aalanjile hakachi ka atu ngwe mihuko yitangu kuli Zambi ni kuli mwe Mwana-panga.

Usolwelo 19:7

Tuwahililenu, tulikwizenu, tumuchichimiekenu; mumu umbachiso wa mwe Mwana-panga hiweza, ni mukwo-pwo hanalilulika.

Usolwelo 21:2

Namwene limbo lisandu, Yerusaleme yaha, yinahulumuka mwilu ya kuli Zambi, kuyinalulika hali mukwo-lunga ngwe ndungi wa kuhenyesa.

Usolwelo 21:9

Mba umwe wa kuli angelo shimbiali waze apwile ni misenge shimbiali, yinazala ni lamba shimbiali lia kusula, wakundamine akahanjike kuli yami, ngwenyi, Tweya kuno, mungukulweza ndungi, pwo lia mwe Mwanapanga.

Usolwelo 4:5

Mu ngunja mwatuhuka mihenyo ni maliji ni kukulunguza; ni temo shimbiali ja kahia ja kuyila kulutwe lia ngunja, jenajo maspiritu shimbiali a Zambi;

Usolwelo 8:10

Mungelo wamuchitatu wembile chitavwi chenyi, mba kwaholokele mwilu lutongonoshi munene, wa kuyila ngwe lutemo, waholokelele ha chihanda chimuwika cha ku yihanda yitatu ya njiji, ni ha mafuji ja meya.