Mateu 24:43 - MUKANDA USANDU WA ZAMBI 1975

⁴³ Alioze nyingikenu chino, kachi mwenya zuwo wanyingikine ha ola yize mwiji meza kachi walayile, kachi kamutayijile kulokola zuwo lienyi.

Mukanda Wa Zambi 1970

⁴³ Nyingikenu chino ngwenu, nyi te mwenya zuwo kananyingika kama ola yize ya ufuku mwiji meza, kachi te manongama, kechi kumutayiza kulokola zuwo lienyi.

Mateu 24:43 Iomraidhean Croise

Jobe 24:16

Ha ufuku kakulokola mazuwo; ha mwalwa kakuliajila, kanyingikine mwalwa.

Yishima 7:19

Mumu mwe lunga keshiko. Hanayi wenyi usuku.

Mateu 14:25

Muze himukucha, Yesu wakundamine kuli ayo nikwenda ha Chitende.

Mateu 20:11

Muze amutambwile, alinyenyetene hali mwenya zuwo.

Mateu 24:42

Lenu kashika mumu kunwanyingikine ha ola yize Mwene wenu meza.

Mateu 24:44

Kashika ni yenu nawa lilulikenu; mumu ha ola yize kunushi kushinginyeka mwe Mwana Mutu meza.

Mateu 25:10

Alioze shimbu ayile mukulanda, sandungi wejile; ni waze alulikile anjilile hamwe nenyi ku ulungi; mba ajilile pito.

Mateu 25:13

Lenu kashika, mumu kunwanyingikine tangwa, chipwe ola.

Marku 13:35

Lenu kashika: mumu kunwanyingikine muze mwenya zuwo meza, shina chingoloshi, shina ha muchima ufuku, shina ha kutambika ndemba, nyi shina chimenemene:

Marku 6:48

Iye ha kwamona nikupinda ha kupulula, mumu fuji yalimikine no, ngwe ha fulafula ni kucha yeza kuli ayo, kanende ha Chitende; walingile ngwe maahiana.

Luka 12:38

Nyi kachi meza ha ola ya kalayi wamuchiali, hanji ha ola ya kalayi wamuchitatu, aawane chocho, kawaha waze.

Luka 12:39

Alioze chino nyingikenu, kachi mwenya zuwo wanyingikine ha ola yize meza mwiji, kachi walayile, kachi kamutayijile kulokola zuwo lienyi.

Luka 21:36

Alioze lenu ha shimbu lieswe, nikuliumba, hanga nukakumbe, nupuluke ku yino yuma yeswe kumuyikapwa, nukamane kumeso ja mwe Mwana Mutu.

Usolwelo 16:15

(Talenu, nguneza ngwe mwiji; kawaha yoze malá, yoze mafunga mazalo jenyi, hanga kechi kenda ni uselesele, hanga kechi kamona sonyi jenyi).

Usolwelo 3:3

Iwuluka kashika ngwe watambwile, ni chize wevwile; uchifunge, Ulikonyeke. Kashika nyi kuchi kulá, mungukeza ngwe mwiji, kuchi kunyingika ha ola yize mungwiza hali yena.