Mateu 24:39 - MUKANDA USANDU WA ZAMBI 1975

³⁹ Kanyingikine ndo sanga lia meya liejile likaahungumune eswe; chocho nawa muchikapwa kuheta cha mwe Mwana Mutu.

Mukanda Wa Zambi 1970

³⁹ te kaanyingikine nichimwe ndoo sanga ha meya liejile ni kwonona eswe. Chenacho muchikabwa nawa ha kwiza cha Mwana Mutu.

Mateu 24:39 Iomraidhean Croise

Ubutukilo 7:23

Anongesene eswe a mwono ha kuzazuluka cha mavu, ni atu, ni yimuna, ni akwa kukalala, ni tujila a mwilu, waanongesene hashi, Noe wika wasalile ni waze apwile nenyi mu ulungu.

Yishima 23:35

Muamba ngwe, Hangulamba alioze cha-lemanyine; hangufufula alioze chachivwile. Tangwa lika mungulaula? Munguyifupa cheka nawa.

Yishima 24:12

Chipwe muamba ngwe, Kutwachinyingikine, te mwe mukwa kupezalisa mbunge kachimwene? Mukwa kufunga mwono we kachinyingikine nyi? Te kechi kwononona mutu mweswe nikulita ni milimo yenyi?

Yishima 29:7

Mukwa ululi kakunyingikisa chikuma cha chiswale; alioze chingulungulu keshi malinjekela kuchinyingika.

Izaya 42:25

Kashika wazukwile hali iye kusasaminya cha utenu wenyi, hamwe ni ndundo jenyi ja jita. Wamuchochekele kahia kwa kujingilika, alioze kuchamulumbunukine. Wamwochele alioze kachisele mbunge.

Mateu 16:27

Mumu mwe Mwana Mutu kumakeza mu uhenya wa Tato hamwe ni angelo jenyi, hohene kumakahana kuli mweswe nikulita ni yilinga yenyi.

Mateu 24:3

Shimbu machitwama ha mulundu wa Olevwe, tumbaji twenyi ejile kuli iye ukawo, nikwamba ngwo, Twambulwile kama, mwiji muka yuma yino muyikapwa? Chilayi cha kuheta che chika, ni cha kumanunuka cha mwaka?

Mateu 24:30

Hohene chilayi cha mwe Mwana Mutu kumuchikasoloka mwilu: ni hohene mavungu eswe a hashi kumakahia mbimbi, kumakamona mwe Mwana Mutu kaneza ha malelwa a mwilu ni tachi ni uhenya unene.

Mateu 24:37

Alioze chizechene ngwe matangwa ja Noe, chocho muchikapwa kuheta cha mwe Mwana Mutu.

Mateu 24:40

Hohene atu aali makapwa ku munda; machiza umwe, mahichika mukwo.

Luka 19:44

Kumakakupuzula hashi, ni ana je muli yena, kechi kahichika muli yena liwe limuwika ha liwe likwo; mumu te kwanyingikine mwaka we upema.

Yoano 3:20

Mumu mweswe wakulinga yipi keshi kuzanga pangu, keshi kwiza ku pangu, kuchina mamukumika ha yitanga yenyi.

Yilinga 13:41

Talenu, yenu akwa kaleleso, komokenu, tokenu; mumu mungulinga chitanga ha matangwa jenu, chitanga chize kunuchi kachifuliela nichimwe, kachi umwe manwambulwilacho.

A-ROMA 1:28

Mba chizechene ngwe katayile kupwa ni Zambi mu kunyonga cho, Zambi waakunjikile ku manyonga a kulumbuka, mukulinga yuma yize kuyatele:

2 Petulu 3:5

Mumu chino ku upale wo ene kakuvulama ngwe kwapwile malilu chize ku shakulu, ni hashi haze lia meya ni mu meya, ku liji lia Zambi;

Akwa Kuyula 20:34

Kwejile mukulimika ni Ngibia kumi lia tununu a malunga a kusakula kuli A-Izalele eswe. Jita yapwile ya tachi, alioze A-Mbenjamine kanyingikine ngwo, Lamba hiliatukundama.