Mateu 24:34 - MUKANDA USANDU WA ZAMBI 1975

³⁴ Pundu ngwami, Chisemuko chino kuchichi kahwa ndo yino yuma yeswe muyikamanunuka.

Mukanda Wa Zambi 1970

³⁴ Chamwenemwene ngunanwambulwila ngwami, atu waze ali ni mwono haliabwila, keechi kafwa eswe ndoo yuma yize yeswe muyikabwa.

Mateu 24:34 Iomraidhean Croise

Mateu 10:23

Alioze muze manuhungumiona mu limbo lino, chinyinenu ku likwo, mumu pundu ngunambe kuli yenu ngwami, Kunuchi kamanununa membo a mu Izalele ndo mwe Mwana Mutu meza.

Mateu 12:45

Hohene maya, matwala hamwe nenyi maspiritu eka shimbiali a ungulungulu ahiana iye mwene, manjila, matwamamo, ni songo lia yoze mutu mulihiana kupiha. Chizechene kumuchikapwa nawa ku chisemuko chino cha ungulungulu.

Mateu 16:28

Pundu ngunambe kuli yenu ngwami, Kwali amwe a kuli waze anamana kuno, kechi kumona kufwa nichimwe ndo mamona mwe Mwana Mutu kaneza mu wanangana wenyi.

Mateu 23:36

Pundu ngunambe kuli yenu ngwami, Yino yuma yeswe kumuyikeza ha chisemuko chino.

Luka 11:50

hanga manyinga ja aprofeta eswe aze amwanganyine chize ku kusela cha fundamentu ya hashi, akaafwetese ha chisemuko chino;