Mateu 24:21 - MUKANDA USANDU WA ZAMBI 1975

²¹ mumu hohene kumukukapwa luyinda munene, ngwe kanda hamoneka hano hashi chize ku uputukilo wa hashi ndo haliapwila, chipwe kechi kapwa nawa.

Mukanda Wa Zambi 1970

²¹ Mumu ha matangwa waze lamba linji mulikabwa ko. Chize ku kutanga cha hashi ndoo musono uno lamba ngwe lize kanda lichibwa kama, ni kulichi kabwa nawa nichimwe ngwe lize kulutwe.

Mateu 24:21 Iomraidhean Croise

Ezekiel 5:9

Ha mukunda wa yitanga yenu ya lwaji mungulinga ni yenu chize kanda nguchilinga, ni chichi kalinga chuma chipwa haha nawa nilimwe tangwa.

Daniel 12:1

Ha mwaka uze Mikele, mwe mukwa kuyula munene yoze wakufunga ana ja atu je, makamana; kumukukapwa mwaka wa lamba limwe, kanda lisoloka chize ku uputukilo wa vungu lino ndo ku miaka yize. Ha mwaka uze atu je kumakaapulula, atu eswe aze makaawana a kusoneka mu mukanda.

Daniel 9:26

Kulutwe lia makumi asambano a semana ni semana jiali yoze amuwayishile ni maji mamutetaho, keshi nichimwe, mba atu ja mukwa kuyula yoze meza kwiza kumakonwona chihunda ni zuwo lisandu. Songo liayo mulikeza ngwe sanga; ndo ku songo kumukukapwa jita—hanaafunjikila kwenyeka wika.

Joele 1:2

Panjikenu enu makulwana a malunga, ivwenu enu akwa chifuchi. Chuma chino te hichasoloka kama ha matangwa jenu, chipwe ha matangwa ja atatenu nyi?

Joele 2:2

Tangwa lia milima ni kulendama; tangwa lia malelwa ni milima pwi. Atu anene, a tachi aneza ngwe milima ha milundu. Kanda amoneka akwo a kulifwa no, chipwe kulutwe kechi kamoneka, chipwe ku miaka ya yisemuko yinji.

Malaki 4:1

Mumu Yehova-wa-Tujita kanambe ngwenyi, Talenu, tangwa kulineza nikuyila ngwe lutengo, muze akwa kulizata eswe, ni eswe akwa kulinga yipi makapwa ngwe mwambu, ni tangwa lize lineza mulikaaocha mba kechi kalisalaho chipwe muji chipwe mutango.

Mateu 24:20

Alioze lembenu, kuchina chenu kanda chikapwa ha mwaka wá chishika chipwe ha Sambata:

Mateu 24:29

Alioze haze hene kulutwe lia luyinda wa matangwa aze, tangwa mulikalá, ni kakweji kechi katwa mieji, ni matongonoshi kumakaholoka mwilu, ni tachi ja malilu kumujikanyika.

Marku 13:9

Alioze kanyamenu kuli yenwene: mumu kumakanukunjika kuli akwa kuyula; ni mu masunangonga kumakanulamba; ni kumeso ja manguvulu ni mianangana kumunukamana mumu hali yami, mukupwa Shindakenyo kuli ayo.

Luka 21:24

Kumakafwa ku lutwilo wa katana, kumakaatwala funge ku mavungu eswe; ni Yerusaleme kumakayiliata kuli akwa mavungu, ndo miaka ya akwa mavungu muyikamanunuka.

1 Tesalonika 2:16

Kakutukanjisa kuhanjika kuli akwa mavungu, kuchina maalamwina; hanga akazalise liakulu njongo ya milonga yo matangwa eswe: alioze utenu hiuneza hali ayo liakulu.

Usolwelo 16:18

Mba kwapwile mihenyo ni maliji ni kukulunguza, ni kwapwile minyiko yinene ngwe yize kuyapwile hanga atu apwile hashi, minyiko yipwa haha!

Usolwelo 7:14

Nambile kuli iye ngwami, Mwene wami, yena unanyingika. Iye wambile kuli yami ngwenyi, Waze anatuhuka mu luyinda munene, hanakoso mahina jo ja ngungu, hanaatomesa mu manyinga ja mwe Mwanapanga.