Mateu 24:17 - MUKANDA USANDU WA ZAMBI 1975

¹⁷ yoze mapwa helu lia zuwo, kanda akasunuka mukuchiza yuma yize yili mu zuwo lienyi:

Mukanda Wa Zambi 1970

¹⁷ Yoze makabwa ha fulumba lia zuwo lienyi akasunuke, alioze kanda akanjila mu zuwo akande yuma yize yili mo.

Mateu 24:17 Iomraidhean Croise

2 Samuel 11:2

Ha ngoloshi David yakatuka ha muhela wenyi, yaya nikwolola molu ha fulumba lia zuwo lia mwanangana. Ku fulumba yamona pwo umwe kanasane. Mwe pwo te mupema chikolo ku meso.

Jobe 2:4

Satana yakumbulula Yehova ngwenyi, E, chikowa ha chikowa. Mutu mecha yeswe ali nayo ha kulamwina mwono wenyi.

Mateu 10:27

Chize ngunambe kuli yenu mu milima, hanjikenu ha mwalwa; chize nunevu mu twitwi, ambujolenu ha mafulumba ja mazuwo.

Mateu 24:16

Hohene waze mapwa mu Yundeya, akachinyine ku milundu:

Mateu 24:18

yoze mapwa ku munda, kanda akahiluka mukwanda mahina jenyi.

Mateu 6:25

Kashika ngunambe kuli yenu ngwami, Kanda nulipikala ha mwono wenu, chize munulia, ni chize mununwa, chipwe ha mujimba wenu, chize munuzala. Mwono kuwahianyine kulia, nyi? Mujimba kuwahianyine mazalo, nyi?

Luka 12:3

Kashika cheswacho nwambile mu milima kumakachivwa mu mwalwa; ni chize nwahanjikile mu matwi mu yipatulo ya muchima kumakachiambujola ha mafulumba ja mazuwo.

Luka 5:19

Muze kawanyine haze mamunjishila, mumu ha mbunga, anyinyine ha fulumba ya zuwo, amusunwishine ndusu mu telya hamwe ni chalo chenyi mukachi, kumeso jenyi.

Yilinga 10:9

Muze hikwacha shimbu wano apwile mu jila, machikundama ku limbo, Petulu wakandukile helu lia zuwo mukulemba, ngwe ha ola amuchisambano:

Shimbi 22:8

Ha kutunga mazuwo aha, munutunga yisakala ha fulumba jenu, kuchina mununeha mutonga wa manyinga ha mazuwo jenu ha kuhotokaho mutu.

1 Samuel 9:25

Muze hakatuka ku nangamo heza nawa mu chihunda, yalishimwinya ni Saulu helu lia zuwo.