Mateu 24:15 - MUKANDA USANDU WA ZAMBI 1975

¹⁵ Kashika muze munumona chizelwokeso cha kwenyeka chize achihanjikile ku kanwa lia profeta Daniel, kanamana muma musandu (yoze matanga akase chinyingi).

Mukanda Wa Zambi 1970

¹⁵ “Munukamona: ‘Chipupu cha Kuvwisa Woma’, chinamana muma mwa chijila yoze Zambi ambile kuli mukwa munanyi wenyi Daniel.” (Yoze wakutanga ase yuma yino chinyingi!)

Mateu 24:15 Iomraidhean Croise

Jeremia 44:29

Yehova kanambe ngwenyi, Chilayi mungunwaha cha kunulweza chize mungunwaha kastigu muno mwene hanga nukanyingike pundu maliji jami kumakakola kulimika ni yenu kunulinga yikalu.

Ezekiel 40:4

Mwe lunga yamba kuli yami ngwenyi, Mwana mutu, tala ni meso je, ivwa ni matwi je, sako mbunge ha yize yeswe mungukulweza, mumu hakuneha kuno hanga ngukulwezecho. Mba cheswe mumona mulumbununa kuli akwa munyachi wa Izalele.

Daniel 1:6

Hakachi ka wano kwapwile Daniel, ni Hanania, ni Mishaele, ni Azaria a ku munyachi wa Yunda.

Daniel 11:31

Maswalale a kuli iye makasoloka; makajilula zuwo lisandu ni zuwo lia mbonge; makachiza mulambu wa kulumba wa matangwa eswe, mba makamika chizelwokeso cha kwenyeka.

Daniel 12:11

Chize ku tangwa lize makachiza mulambu wa kulumba wa matangwa eswe, ni kumika cha chizelwokeso cha kwenyeka, kumukukapwa kanunu ka matangwa ni kulakaji aali a matangwa ni makumi livwa a matangwa.

Daniel 9:23

Ha kuputuka cha kuliumba che liji natuhukile, mba hineza kukulwezalio mumu kanakuzange chikolo. Kashika Zewula lie liji usolwelo ukulumbunuke.

Daniel 9:25

Kashika nyingika Chikulumbunuke, chize ku kuhana liji lia kululika ni kutunga Yerusaleme ndo ku kwiza cha yoze mukwa-kuyula amuwayishile ni maji, kumukukapwa semana shimbiali, ni makumi asambano a semana ni semana jiali. Mayitunga nawa ni malwaza ni matapalo, hindu ha mwaka wa lamba.

Daniel 9:27

Iye makakolesa usendo ni e anji ha semana yimuwika, alioze hakachi ka semana masulisa yitapo ni milambu. Ha mapulwa ja yizelwokeso kumukeza umwe mukwa kwenyeka, ndo mazukwila hali mwe chenyeke songo lize hanamufunjikila.

Mateu 24:16

Hohene waze mapwa mu Yundeya, akachinyine ku milundu:

Marku 13:14

Alioze muze munumona chizelwokeso cha kwenyeka chinamana kuze kuchatambile kumana (yoze matanga, akase chinyingi), hohene waze mapwa mu Yundeya, akachinyine ku milundu:

Luka 19:43

Mumu matangwa kumakeza hali yena, muze akwa kole je makakutambika mulumba wa mavu ha kukujingilika, makakuseleka, makakukwata ha malumbu eswe.

Luka 21:20

Alioze muze munumona Yerusaleme hayijingilika ni yilombo ya maswalale, hohene nukanyingike ngwenu, Kukuwa chayo hichakundama.

Yoano 11:48

Kachi mutumwecha chocho, kachi eswe makamufuliela, ni A-Roma makeza, makachiza ni muhela wetu ni vungu lietu.

Yilinga 21:28

akololokele ngwo, A-Izalele, tukwasenu: mwe mutu yono kakulongesa atu eswe kweswe kulimika ni e atu, ni je shimbi, ni zuwo lino; chikwo nawa, hananjisa A-Ngresia nawa mu tembele, hanachishi muma muno, musandu.

Yilinga 6:13

Asele yela ja mahuza, waze ambile ngwo, Yono mutu keshi kulitwamina kuhanjika maliji a kulimika ni kuma kuno kusandu, ni ye shimbi.

Hebreu 2:1

Kashika chatutamba kupanjika kuhiana chikolo ku yuma yize twevwile, kuchina hanji mutusesumukako.

Usolwelo 1:3

Kawaha yoze matanga, ni waze mevwa maliji a uprofeto, waze mafunga yuma yize yinasonewamo: mumu mwaka hakamwihi uli.

Usolwelo 3:22

Yoze uli ni matwi, evwe chize anambe Spiritu ku yikungulwila.