Mateu 24:14 - MUKANDA USANDU WA ZAMBI 1975

¹⁴ Ni sango lino lipema lia wanangana kumakaliambujola mu yifuchi yeswe ya hashi mukupwa Shindakenyo ku mavungu eswe, ni hohene songo kumulikeza.

Mukanda Wa Zambi 1970

¹⁴ Sango jino Jipema ja Wanangana kumaakajambujola hashi heswe hanga ajishindakenye kuli atu eswe, mba songo mulikabwa.”

Mateu 24:14 Iomraidhean Croise

Ezekiel 7:10

Talenu lie tangwa! Talenu, lineza! Kuji-ni-tomo lienu hilieza. Mbwechi hiyatemuna yitemo; kulengumuka hichasoka.

Mateu 10:7

Shimbu munuya, ambujolenu ngwenu, Wanangana wa malilu hiwakundama.

Mateu 18:19

Cheka nawa ngunambe kuli yenu ngwami, Kachi aali a kuli yenu malikunda hano hashi ha kutwala ku chikuma chimwe chize munwita, kumakaalingilacho kuli Tata yoze uli mu malilu.

Mateu 24:3

Shimbu machitwama ha mulundu wa Olevwe, tumbaji twenyi ejile kuli iye ukawo, nikwamba ngwo, Twambulwile kama, mwiji muka yuma yino muyikapwa? Chilayi cha kuheta che chika, ni cha kumanunuka cha mwaka?

Mateu 24:6

Alioze kumunukevwa ha jita ni ndundumwino ya jita; kanda nukasungalala; mumu chatamba yino yuma yeswe kupwa alioze songo kanda lichipwa.

Mateu 4:23

Yesu wayile nikujingajinga mu Ngalileya mweswe, nikulongesa mu masunangonga jo, nikwambujola sango lipema lia wanangana, nikuwuka misongo yeswe, ni weji weswe hakachi ka atu.

Mateu 9:35

Mba Yesu wayile nikujingajinga ku membo eswe, ni ku yihunda yeswe, nikulongesa mu masunangonga jo, nikwambujola sango lipema lia wanangana, nikuwuka misongo yeswe ni weji weswe mukachi ka atu.

Marku 13:10

Lie sango lipema chatamba kuliambujola hatangu ku mavungu eswe.

Luka 2:1

Achi, ha matangwa aze, kwakatukile shimbi kuli Sesare Angusetu, akasoneke yifuchi yeswe ya hashi.

Luka 24:47

akambujole mu jina lienyi kulikonyeka ni ukonekeno wa milonga ku mavungu eswe, nikuputuka ku Yerusaleme.

Luka 4:5

Ndiapu wamutwalile helu lia mulundu usuku, wamulwezele mawanangana eswe a yifuchi ya hashi ha kashimbu kakepekepe.

Yilinga 1:2

ndo ku tangwa lize, amutambwile mwilu, muze te ku tachi ja Spiritu Musandu hahana shimbi kuli apostolo waze iye waatongwele:

Yilinga 11:28

Mba umwe wa kuli ayo, jina lienyi Angavu, yakatuka, yalweza ku tachi ja Spiritu ngwenyi, Mukukapwa kapunga munene mu yifuchi yeswe ya hashi; mwenawo wapwile ha matangwa ja Kelautiu Sesare.

Yilinga 17:31

Mumu te hanasela tangwa muze makapatwila akwa yifuchi yeswe ya hashi mu ululi kuli yoze lunga hanamuselacho; ha chino hanahana chinyingi kuli atu eswe, se hanamuhindwisa hakachi ka afu.

Yilinga 17:6

muze kaawanyineko, ambulumwine Yasone ni amwe mandumbu kumeso ja akwa kuyula limbo, nikukololoka ngwo, Wano hanalumuna yifuchi yeswe ya hashi, haneza kuno nawa;

Yilinga 19:27

Utoji uliko, hi hali yetu wika ko, yino milimo yetu mayilelesa, alioze tembele nawa ya Ndiana zambi-wa-pwo munene mapwa wamokomoko; ni yoze akwa Eshia eswe ni akwa yifuchi yeswe ya hashi kakumuwayila, mamuchiza ku ulamba wenyi.

Yilinga 20:25

Haliapwila, ngunanyingika, yenu eswe, hakachi kenu nendanganyine nikwambujola wanangana wa Zambi, kunuchi kamona meso jami nawa.

A-ROMA 10:18

Alioze ngunambe ngwami, Kevwileko, nyi? Chamwenemwene ngwo, Liji liayo liatuhukile hashi heswe, ni maliji jo ndo ku masongo ja yifuchi yeswe ya hashi.

Kolosu 1:23

Kachi mununyongonona mu Ufulielo, akwa kujikiza, akwa kukola; kachi kunushi kututuluka ku kutalatala cha sango lipema, lize nwevwile, lize ambujolele kuli atu eswe mushi lia lilu; ha liyo yami Paulu kunapwa kavumbi.

Kolosu 1:6

Lienalio hilineza kuli yenu, chizechene ngwe hilineza hano hashi heswe mukwima mihuko, nikutatuka chizechene ngwe muli yenu nawa, chize ku tangwa lize nwaliangile kwivwa ni kunyingika liakulu vumbi lia Zambi;

Hebreu 1:6

Cheka nawa muze maneha mutangu hano hashi mamba ngwenyi, Ni angelo eswe a Zambi amuwayile.

Hebreu 2:5

Mumu hi kuli angelo ko wazeyesele yifuchi ya hashi, yize muyizaho, yize tunambe.

Usolwelo 14:6

Mba namwene mungelo mukwo kanahumuka mukachi ka lilu, kali ni sango lipema lia mutolo mukwambujola kuli akwa hashi, ku mavungu eswe, ni ku minyachi yeswe, ni ku malimi pswe, ni kuli atu eswe.

Usolwelo 16:14

Mumu o maspiritu ja ndemoniu, nikulinga yilayi; waze akutuhuka nikuya kuli mianangana ja yifuchi yeswe ya hashi, mukwakungulula ku jita ya tangwa linene lia Zambi ya Ndundo-Jeswe.

Usolwelo 3:10

Mumu hiunafungu liji lia uhumikizo wami, yami nawa kumungukakufunga ku ola ya cheseko, yize muyiza ha yifuchi yeswe ya hashi mukweseka waze akutwama hashi.