Mateu 23:26 - MUKANDA USANDU WA ZAMBI 1975

²⁶ Yena Ka-Fwariseu wa kupuputa, pemesa hatangu muchima lia musenge ni lia panda, hanga haze liayo nawa hakapeme.

Mukanda Wa Zambi 1970

²⁶ Yena Kafariseu kapuputa! Hatangu kosa muchima lia musenge, mba haze neho muhabema!

Mateu 23:26 Iomraidhean Croise

Izaya 55:7

Chingulungulu akambile ndako jenyi, mukwa uhenge akambile manyonga jenyi. Eze kuli Yehova hanga amuvwile keke; eze kuli Zambi yetu mba mamwaha ukonekeno wa kulumbama.

Jeremia 13:27

Hinamona yizelwokeso yenu, ni utanji wenu, ni kulikumbukila chenu ni ukoi wenu wa usolo, ha milundu mu yambu. Lamba lie, Yerusaleme! Miaka yingahi ndo makupemesa?

Jeremia 4:14

Yerusaleme, sanenu ku mbunge ungulungulu ukatuke, akanulamwine. Ndo mwiji muka manyonga jenu api matwama muli yenu?

Ezekiel 18:31

Mbilenu Utanguko weswe uze hinwalinga kulimika ni yami, nukatambule mbunge jaha ni Spiritu jaha! Kuchi te munufwa, enu akwa munyachi wa Izalele?

Mateu 12:33

Pemesenu mutondo, ni mihuko yawo muyipwa yipema; hanji pihisenu mutondo ni mihuko yawo muyipwa yipi: mumu mutondo kanaunyingika ku mihuko yawo.

Mateu 14:8

Se hamulongesa kuli naye, yamba ngwenyi, Ngwehe kuno ha panda mutwe wa Yoano Chipapachisa.

Marku 7:4

muze mahiluka ku yitanda keshi kulia shina masana; ni yuma yinji yikwo kuyili, yize hanatambula mukuyikakaminya, kukosa cha misenge ni milondo, ni kengelia ni miu.)

Luka 11:39

Alioze Mwene wambile kuli iye ngwenyi, Achi, yenu A-Fwariseu nwakupemesa haze lia musenge ni lia panda; alioze muchima lienu munazala ni mbenga ni ungulungulu.

Luka 6:45

Mutu mupema ku upite upema wa mbunge yenyi masolola yipema, ni chingulungulu ku upite wa ungulungulu wa mbunge yenyi masolola ungulungulu; mumu ku kulumbama cha mbunge kanwa mulihanjika.

2 Korintu 7:1

Kashika se yilakenyo yino tuli nayo, akwetu a zango, tulipemesenu ku luchisa mweswe wa musunya ni Spiritu, tukamanunune usandu mu woma wa Zambi.

Hebreu 10:22

tukundamenu ni mbunge yamwenemwene, ni kusela chinyingi liakulu cha Ufulielo: se hasapwila mbunge jetu jipema ku shimbi jipi: se hasanyisa mijimba yetu ni meya apema.

Tiangu (Jake) 4:8

Kundamenu kuli Zambi, iye kumakakundama kuli yenu. Pemesenu moko jenu, yenu yivulumunyi; tomesenu mbunge jenu, yenu akwa mbunge jiali.