Mateu 23:15 - MUKANDA USANDU WA ZAMBI 1975

¹⁵ Lamba lienu, akwa kusonyeka ni A-Fwariseu, yilembese! mumu nwakujinga kalungalwiji ni hashi homu mukutayisa kambaji umuwika; ni muze hatá, nwakumupwisa mukwa Heteze yisuho yiali kuhiana yenwene.

Mukanda Wa Zambi 1970

¹⁵ “Lamba lienu alongeshi a Shimbi ni Afariseu, yilembekese! Mumu nwakujingajinga hashi heswe ni ha meya hanga nutayijise kambaji umuwika! Muze mataa, hinwamwalumuna yisuho yaali kutela mu kahia kuhiana yenwene!

Mateu 23:15 Iomraidhean Croise

Estere 8:17

Ni mu yifuchi yeswe ni yihunda yeswe kuze kwahetele liji lia mwanangana ni shimbi yenyi A-Yunda apwile ni chiseke, ni uwahililo, ni yiteleka, ni tangwa lia kuwaha. Anji a kuli mavungu a chifuchi alumukine A-Yunda mumu apwile ni woma wa A-Yunda.

Mateu 23:13

Lamba lienu, akwa kusonyeka ni A-Fwariseu, yilembese! mumu nwakuyika wanangana wa malilu kuli atu: mumu kunushi kunjilamo yenwene, ni waze mazanga kunjila kunushi kwatayiza.

Mateu 3:7

Alioze muze amwene anji a kuli A-Fwariseu ni A-Satuseu kaneza ku upapachiso wenyi, yamba kuli ayo ngwenyi, Yenu, vungu lia yihili, iya unakanutoweza kuchina utenu uze muwizaho?

Mateu 5:22

Alioze yami ngunambe kuli yenu ngwami, Mweswawo matenuka ni mukwo matela upatwilo; ni mweswawo mamba kuli mukwo ngwenyi, Raka! matela upatwilo unene; ni mweswawo mamba ngwenyi, Yena chihepuke! matela upatwilo wa Ngehena ya kahia.

Mateu 5:29

Alioze kachi liso lie lia chindume mulikutalingisa, litombongonemo, ulimbile: mumu Shinaho utokese chihanda chimuwika, kuchina mujimba we weswe makaumbila mu Ngehena.

Yoano 8:44

Yenu nuli a kuli tatenu Ndiapu, nwakuzanga kulinga usolo wa tatenu. Iye wapwile chingalwe chize ku uputukilo, kamanyine mu umwenemwene, mumu umwenemwene wakuhi muli iye, niumwe. Muze mahanjika mahuza, kanahanjika nichenyi mwene; mumu iye mukwa mahuza ni mwe tato ya mahuza.

Yilinga 13:10

wambile ngwenyi, Yena mwana Ndiapu, wa tò ni kalimbalimba mweswe ni uzazali weswe, mukwa kole ku ululi weswe, kusolo kulitwamina kuhengesa jila ja ululi ja Mwene, nyi?

Yilinga 13:43

Muze te akwa sunangonga halimwanga, A-Yunda anji ni akwa kutayiza akuwayila akawile Paulu ni Mbarnavwe, o nikuhanjika kuli ayo, aakunwine kunyongonona mu vumbi lia Zambi.

Yilinga 14:19

Alioze kwejile A-Yunda a ku Andiakia ni Ikoniu, o nikukununa mbunga, ashile mawe Paulu, amumbulumwine haze lia limbo, nikushinginyeka ngwo, Hanafu.

Yilinga 14:2

Alioze A-Yunda waze kononokene avundwile akwa mavungu nikwalumbula ha kutwala kuli mandumbu.

Yilinga 17:13

Alioze muze A-Yunda a ku Tesalonika anyingikine ngwo, Liji lia Zambi aliambujolele kuli Paulu ku Mberia, ayileko nawa, nikuvundula nikupinjisa mbunga.

Yilinga 2:10

Ni Fwikia, ni Pamafwilia, ni Engitu, ni yihanda ya ku Pute, yize yakusulangana ni Sevwene, ni njize a ku Roma, ni A-Yunda, ni akwa kutayiza a ku mavungu,

Yilinga 6:5

Liji lino Kapemenene chizavu cheswe: mba atongwele Eshetevau, lunga wa tò ni Ufulielo ni Spiritu Musandu, ni Fwilipe, ni Prokoru, ni Nikanore, ni Timau, ni Parmena, ni Nikolau, mukwa kutayiza wa ku Andiakia;

Galashia 4:17

Kakusongojola alioze hi ha chuma chipema ko; kanazange kunuyikila haze hanga nukasongojoke kali ayo.

Galashia 6:12

Waze eswe akuzanga kulenga ni musunya, kakunushinjika akanupwise ngalami; chino wika, hanga kechi kamona yihungumiona mumu ha kulusu ya Kristu.

Efesu 2:3

Hakachi ko ni yetu eswe nawa ha miaka ya kunyima, twendele mu usolo wa musunya wetu, nikulinga upale wa musunya ni wa mbunge, ni ku chisemewa twapwile akwa kutambula utenu, chizechene ngwe akwo.