Mateu 23:13 - MUKANDA USANDU WA ZAMBI 1975

¹³ Lamba lienu, akwa kusonyeka ni A-Fwariseu, yilembese! mumu nwakuyika wanangana wa malilu kuli atu: mumu kunushi kunjilamo yenwene, ni waze mazanga kunjila kunushi kwatayiza.

Mukanda Wa Zambi 1970

¹³ “Lamba lienu alongeshi a Shimbi ni Afariseu, yilembekese! Mumu nwakukasa chajilo cha Wanangana wa mwilu ku meso ja atu! Kunushi kunjila mo yenwene, ni waze akuzanga kunjila mo kunushi kwatayiza! [

Mateu 23:13 Iomraidhean Croise

Izaya 33:14

Woma hiweza hali yivulumunyi mu Zaione; yitanganyanyi kanachikima. Iya hakachi ketu mahasa kutwama ni kahia ka kulalisa? Iya hakachi ketu mahasa kutwama ni mbwemena ya miaka yeswe?

Zakaria 11:17

Lamba kuli kafunga wamokomoko, yoze wakwehuka mapanga! Katana amulambe mu kwoko lienyi ni mu liso lienyi lia chindume! Kwoko lienyi likasosewe liakulu ni liso lienyi lia chindume Ukafwe liakulu.

Mateu 23:16

Lamba lienu, tusongo a kupuputa, yenu nwakwamba ngwenu, Mweswawo malishinga ni tembele, chamokomoko; alioze mweswawo malishinga ni oru ya tembele, iye kalikasa.

Mateu 23:23

Lamba lienu, akwa kusonyeka ni A-Fwariseu, yilembese! mumu nwakufweta chihanda cha kumi cha ku chimbumba ni endru ni kominyu, alioze hinunalelesa yuma yilemu yahiana ya shimbi, upatwilo wa kulita, ni keke, ni Ufulielo: alioze yino Chanutamba kulinga, alioze kanda nulelesa yikwo.

Mateu 23:25

Lamba lienu, akwa kusonyeka ni A-Fwariseu, yilembese! mumu nwakupemesa haze lia musenge ni panda, alioze muchima munazala ni mbenga ni kuhungumuka ni usolo.

Mateu 23:27

Lamba lienu, akwa kusonyeka ni A-Fwariseu, yilembese! mumu kununapu ngwe mafuka a kutomesa ni pemba waze akusoloka ngwe apema haze, alioze muchima munazala ni yifwaha ya afu, ni luchisa mweswe.

Mateu 23:29

Lamba lienu, akwa kusonyeka ni A-Fwariseu, yilembese! mumu nwakutunga mafuka ja aprofeta, nwakupemesa mafuka ja akwa ululi.

Mateu 3:7

Alioze muze amwene anji a kuli A-Fwariseu ni A-Satuseu kaneza ku upapachiso wenyi, yamba kuli ayo ngwenyi, Yenu, vungu lia yihili, iya unakanutoweza kuchina utenu uze muwizaho?

Luka 11:52

Lamba lienu akwa shimbi! mumu nwachijile sapi ya chinyingi; kunwanjilile yenwene, ni waze apwile nikunjila nwaakwikile.

Yoano 9:22

Yino yuma ambile yisemi jenyi, mumu evwile woma wa A-Yunda; mumu A-Yunda halitesa kulu, hanga mweswe mamutayiza kupwa Kristu, amukatwise ku sunangonga.

Yoano 9:24

Chocho atambikile chisuho chamuchiali mutu yoze wapupuchile kunyima, ambile kuli iye ngwo, Chichimieka Zambi: tunanyingika yono mutu iye chivulumunyi.

Yoano 9:34

Amukumbulwile ngwo, Yena wasemukine liakulu mu milonga, mba unatulongesa yetu, nyi? O amukatwishile.

Yilinga 13:8

Alioze mukwa tufutafuta Elaima (mumu chocho jina lienyi Unalumbunuka) walimikine no, wafupile kukondolola nguvulu ku Ufulielo.

Yilinga 5:28

Tunakanwaha koki ngwetu, Kanda nukalongesa mu jina lino: ni kumanyi, hinunazalisa Yerusaleme ni longeso lienu, nunafupu kuneha manyinga ja yono mutu hali yetu.

Yilinga 5:40

O yatá kuli iye: ni muze te hatambika apostolo, aalambile, aahele koki ngwo, Kanda nukahanjika mu jina lia Yesu, mba aechele kuya.

Yilinga 8:1

Saulu te kanatayiza kufwa chenyi. Ha tangwa lize kwakatukile yihungumiona yinene ha chikungulwila chize chapwile mu Yerusaleme; ni eswe amwanganyine mwamwa mu yifuchi ya Yundeya ni Samaria, alioze apostolo, ka.

2 Timoteu 3:8

Chizechene ngwe Yane ni Yambwe alimikine ni Mose, chocho wano nawa kakulimika ni umwenemwene; atu a kupiha mu kunyonga cho, yisáshili ha kutwala ku Ufulielo.

2 Timoteu 4:15

Kanyama nenyi, yena nawa, mumu walimikine chikolo ni maliji jetu.