Mateu 22:5 - MUKANDA USANDU WA ZAMBI 1975

⁵ Alioze achilelesele, ayile mu majila jo, umwe ku munda wenyi, ni mukwo ku chitanda chenyi;

Mukanda Wa Zambi 1970

⁵ Alioze waze alakenyene yaachilelesa, yaayaya ku milimo yo, awu ku munda wenyi, awu ni kulanjisa yuma yenyi,

Mateu 22:5 Iomraidhean Croise

Ubutukilo 19:14

Chocho Lote yatuhuka, yahanjika ni atato-weno waze hatenda anenyi a mapwo ngwenyi, Katukenu, nutuhuke muno mumu Yehova monwona limbo lino. Alioze o yamumona ngwe lwelia anahanjika.

Ubutukilo 25:34

Yakomba yahana kuli Esau mbolo ni mutato wa makunde. Yalia, yanwa, yakatuka, yaya kwenyi. Chocho Esau yalelesa wata wenyi.

Yishima 1:7

Woma wa Yehova we uputukilo wa yinyingi, ahoze yihepuke kakulelesa mana ni kufumba.

Mateu 13:22

Ni yize mavikuwa hakachi ka mingonga, iye yoze mevwa liji, ni yipikalo ya mwono uno, ni kwonga cha upite muyikeketesa liji, mba muliseka.

Mateu 22:4

Cheka nawa watumine ndungo akwo, ngwenyi, Nukambe kuli waze aalakenyene ngwenu, Hinalulika kulia chami; ngombe jami ni yimuna jami a kutoha haashiha, ni yuma yeswe yinalulika: tweyenu ku ulungi.

Mateu 22:6

Akwo akwachile ndungo, nikwalinga chipi, nikwashiha.

Yoano 2:16

wambile kuli waze alanjishile tutele ngwenyi, Twalenu yino yuma haze; kanda nukapwisa zuwo lia Tata zuwo lia chitanda.

Yilinga 2:13

Akwo nikuchimbunguna ambile ngwo, Kanazala tò ni vinyu yiyema.

Yilinga 24:25

Shimbu ahanjikile kuli ayo ha kutwala ku ululi, ni kusúla, ni upatwilo uze muwizaho, Fwelishia wazalile tò ni woma, wakumbulwile ngwenyi, Yénu haliapwila; ni muze munguwana mwaka upema, mungukakutambika.

A-ROMA 2:4

Shina unalelesa kulumbama cha utu wenyi ni uhumikizo ni uhomboloji; ngwe kwanyingikine utu wa Zambi kuunakukoko Ulikonyeke.

A-ROMA 8:6

Mumu kunyonga cha musunya, kufwa; alioze kunyonga cha Spiritu, mwono ni uhwimino.

2 Timoteu 3:4

akwa kuhandukulula, akwa kulipupula, akwa kulifuza, akwa kufwila kuwaha hi Zambi ko.

Hebreu 2:3

ngwe kuchi mutupuluka, nyi mutulengulula ulamwino upwa haha? Uze se aputukile kuwambujola ku kanwa lia Mwene, mba hanaukolesa ni makanwa ja waze evwile;

2 Petulu 2:3

Ni ku kuzo, ni maliji a ulembekese, makanupwisa yuma ya kusepa nayo: upatwilo wo chize ku shakulu kuushi kushimbula, ni kwonwona cho kuchishi kufungunuka.