Mateu 22:44 - MUKANDA USANDU WA ZAMBI 1975

⁴⁴ Mwene wambile kuli Mwene wami, Ngwenyi, Twama ku kwoko liami lia chindume, Ndo mungusa akwa kole je kushi lia yiliato ye.

Mukanda Wa Zambi 1970

⁴⁴ ‘Mwene Zambi hanambila Mwene wami ngwenyi: Twama ku chindume chami ndoo mungukasa akwa kole je kushi lia molu je.’

Mateu 22:44 Iomraidhean Croise

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

Miaso (Masamu) 110:1

Yehova kanambe kuli Mwene wami, ngwenyi, Twama ku chindume chami ndo mungupwisa akwa kole je chitwamo cha yiliato ye.

Miaso (Masamu) 21:9

Kumukaapwisa ngwe lutengo wa kahia ha tangwa lia utenu we; Yehova kumakaazemwina mu ufwatulo wenyi, kahia mukakaalesa.

Mateu 22:45

Kachi kashika David kanamuvuluka ngwenyi, Mwene, ngwe kuchi kevwe mapwa mwanenyi?

Mateu 26:64

Yesu yamba kuli iye ngwenyi, Yena wachamba; hindu ngwami, Kulutwe kumunukamona mwe Mwana Mutu kanatwama ha chindume cha tachi, kaneza ha malelwa a mwilu.

Marku 16:19

Chocho Mwene Yesu, muze te hahanjika kuli ayo, amutambwile mwilu, iye Watwamine ku chindume cha Zambi.

Luka 19:27

Alioze wano akwa kole jami, waze kazangile yami ngwayule, anehenu kuno, nwashihe kumeso jami.

Yoano 20:28

Tomase wamukumbulwile ngwenyi, Mwene wami kanda Zambi yami.

1 Korintu 1:2

Ku chikungulwila cha Zambi chize chili mu Korindu, kuli waze hanaasela ku usandu muli Kristu Yesu, aatambikile asandu, hamwe ni waze eswe kweswe akutambika ha jina lia Mwene wetu Yesu Kristu, niwo kanda niwetu:

1 Korintu 15:25

Mumu chamutamba kuyula ndo masa akwa kole jenyi eswe kushi lia yiliato yenyi.

Filipu 3:8

Ewa, chamwenemwene nakunyonga nawa yuma yeswe kupwa ngwe kufulwa ha ulemu wa yinyingi ya Kristu Yesu, Mwene wami; hali iye natokesele yuma yeswe, nakuyinyonga yiswaswa lume, hanga ngukazuke Kristu,

Hebreu 1:13

Alioze ha kutwala kuli mungelo muka ambile ha mwaka umwe ngwenyi, Twama ku kwoko liami lia chindume, ndo mungusa akwa kole je chitwamo cha yiliato ye?

Hebreu 1:3

Mwenawo che kupeyima cha uhenya wenyi; ni che kulifwa cha kupwa chenyi; iye mukwa kukolesa yuma yeswe ku liji lia tachi jenyi, muze te hamanununa kupemesa ha milonga, Watwamine ku kwoko lia chindume lia Ulamba mwilu.

Hebreu 12:2

Tuhulikilenu meso kuli Yesu, Kaputu kanda mukwa kupwisa ungunu Ufulielo, mwenawo ha uwahililo uze asele kulutwe lienyi, wanyongonwene mu lamba lia kulusu, nikulelesa je sonyi; hanatwama ku kwoko lia chindume lia ngunja ya Zambi.

Usolwelo 19:19

Namwene ngongo, ni mianangana ja hashi, ni mbunga ja maswalale jo, kanakunguluka mukwasa jita ni yoze Watwamine hali kavwalu, ni mbunga ja maswalale jenyi.