Mateu 22:43 - MUKANDA USANDU WA ZAMBI 1975

⁴³ Iye ngwenyi, Ngwe kuchi kevwe David muli Spiritu anamuvuluka ngwenyi, Mwene, nikwamba ngwenyi,

Mukanda Wa Zambi 1970

⁴³ Yesu yaahula ngwenyi: “Mba kuchi David, ku tachi ja Mwiku wa Linanga, yamuvuluka ngwenyi: ‘Mwene’? Mumu David yamba ngwenyi:

Mateu 22:43 Iomraidhean Croise

2 Samuel 23:2

Spiritu ya Yehova wahanjikile muli yami, Liji lienyi liapwile ha limi liami.

Marku 12:36

Mumu David mwene wambile muli Spiritu Musandu ngwenyi, Mwene wambile kuli Mwene wami ngwenyi, Twama ku kwoko liami lia chindume ndo mungusa akwa kole je chitwamo cha yiliato ye.

Yilinga 1:16

Mandumbu, chinatambe chisoneko chikamanunuke, chize ahanjikile Spiritu Musandu Shimbu-kanda, ku kanwa lia David, ha kutwala kuli Yundase, yoze wapwile kasongo kuli waze akwachile Yesu.

1 Korintu 12:3

Kashika ngunanunyingikisa ngwami, Niumwe anahanjika muli Spiritu ya Zambi mamba ngwenyi, Yesu kashingiwa; mba niumwe mahasa kwamba ngwenyi, Mwene Yesu, shina muli Spiritu Musandu.

Hebreu 3:7

Kashika chizechene ngwe Spiritu Musandu kanambe ngwenyi, Musono nyi munwivwa liji lienyi,

2 Petulu 1:21

Mumu uprofeto niumwe kuwejile niumwe mwaka ku upale wa atu: aiioze atu ahanjikile cha kuli Zambi, ni kuhungumuka kuli Spiritu Musandu.

Usolwelo 1:10

Napwile mu Spiritu ha tangwa lia Mwene, nevwile kunyima yami liji linene, ngwe lia chitavwi,

Usolwelo 4:2

Haze hene napwile mu Spiritu: ni kumanyi, ngunja ayisele mwilu, ni ha ngunja umwe kanatwama.