Mateu 22:40 - MUKANDA USANDU WA ZAMBI 1975

⁴⁰ Ha maliji ano aali a shimbi, shimbi yeswe lukombo ni mikanda ya aprofeta yinakolo.

Mukanda Wa Zambi 1970

⁴⁰ Shimbi jeswe ja Mose ni longeso heswe lia akwa munanyi a Zambi jinaswila mu Shimbi jino jaali.”

Mateu 22:40 Iomraidhean Croise

Mateu 7:12

Yuma yeswe kashika nunazange atu akanulinge, chizechene lingenu kuli ayo: mumu chino ye shimbi ni ye yiyulo ya aprofeta.

Yoano 1:17

Mumu ahanyine shimbi ku kwoko lia Mose; vumbi ni umwenemwene yejile kuli Yesu Kristu.

A-ROMA 13:9

Mumu ngwo, Kanda ulinga utanji; kanda ushiha; kanda wiya; kanda ushindakenya mahuza; kanda wivwa kuzo; nyi kachi liji likwo lia shimbi liliko, linasu mu liji lino ngwo, Uzange mwenyembo we chizechene ngwe unalizange yena mwene.

Galashia 5:14

Mumu shimbi yeswe yinamanunuka mu liji limuwika, ngwo, Ukazange mwenyembo we ngwe unalizange yena mwene.

1 Timoteu 1:5

Alioze songo lia shimbi ngwo, Zango lia ku mbunge yitoma, ni shimbi yipema ya mbunge: ni Ufulielo uze kuushi ulembekese.

Tiangu (Jake) 2:8

Alioze kachi nwakulinga shimbi ya ku wanangana nikulita ni Chisoneko ngwo, Ukazange mwenyembo we ngwe wakulizanga yena mwene, kachi nwakulinga kanawa.