Mateu 22:30 - MUKANDA USANDU WA ZAMBI 1975

³⁰ mumu ha uhindukilo wa afu keshi kumbata, chipwe keshi kuhangisa malo, alioze kanapu ngwe angelo ja Zambi mwilu.

Mukanda Wa Zambi 1970

³⁰ Mumu ha uhindukilo wa afu, atu maakabwa ngwe tunganda a mwilu, malunga ni mapwo keechi kalimbata, ni keechi kalihangisa malo.

Mateu 22:30 Iomraidhean Croise

Miaso (Masamu) 103:20

Enu angelo jenyi fumanyisenu Yehova, enu akwa ndundo ni tachi nwakwononokena liji lienyi, nikwivwa liji lia kuhanjika chenyi.

Zakaria 3:7

Yehova-wa-Tujita kanambe ngwenyi, Nyi muwenda mu majila jami, nikufunga shimbi jami, mukayilia zuwo liami, nikufunga maze jami, ni yami mungukwaha poko ya kunjila hakachi ka wano anamana kuno.

Mateu 13:43

Hohene akwa ululi kumakatemuka ngwe tangwa mu wanangana wa Tato. Yoze uli ni matwi a kwivwa, evwe.

Mateu 18:10

Kanyamenu kuchina munulelesa umwe wa wano akepe: mumu ngunambe kuli yenu ngwami, Angelo jo mu malilu kakumona matangwa eswe meso ja Tata yoze uli mu malilu.

Mateu 22:31

Alioze ha kutwala ku uhindukilo wa afu, kunwatangile chize Zambi ahanjikile kuli yenu, nyi?

Mateu 24:38

Mumu chizechene ngwe ha matangwa kuze kanda, shimbu te sanga lia meya kanda liza, apwile nikulialia, nikunwanwa, nikumbata, nikuhangisa malo, ndo tangwa lize Noe wanjilile mu ulungu.

Luka 17:27

Alile, anwine, ambachile, ahangishile ku malo, ndo tangwa lize Noe wanjilile mu ulungu, ni sanga lia meya liejile, likonwone eswe.

Usolwelo 19:10

Nafulamanyine ku yiliato yenyi hanga ngumuwayile. Iye yamba kuli yami ngwenyi, Kanda uchilinga: yami nguli ndungo-ni-mukwenu, ni ndungo-ni-mukwo ni mandumbu je, waze ali ni Shindakenyo ya Yesu: wayila Zambi: mumu Shindakenyo ya Yesu, spiritu ya uprofeto.