Mateu 22:16 - MUKANDA USANDU WA ZAMBI 1975

¹⁶ Atumine kuli iye tumbaji two, hamwe ni A-Heronde, ngwo, Longeshi, tunanyingika yena uli wamwenemwene, wakulongesa jila ya Zambi nikulita ni umwenemwene, kushi kuvwila woma niumwe: mumu kushi katonde kuli atu.

Mukanda Wa Zambi 1970

¹⁶ Yaamutumina tumbaji two ni amwe a kuli Aherode, ngwo: “Longeshi, tunanyingika ngwetu, yena kuuli wamwenemwene, wakulongesa Shimbi ja Zambi ni umwenemwene. Kuushi woma ha chize akunyonga atu, kuushi kutala ulemu wo.

Mateu 22:16 Iomraidhean Croise

1 Yitanga Ya Mianangana 22:14

Mikaia ngwenyi, Ni mwono wa Yehova, cheswacho Yehova mangwamba chenacho munguhanjika.

Miaso (Masamu) 12:2

Mweswe kakuhanjika yuma yamokomoko kuli mwenyembo wenyi. Kakuhanjika ni mivumbo ya kupepieka, ni mbunge jiali.

Miaso (Masamu) 5:9

Mumu umwenemwene wakuhi mu makanwa jo; muchima lio munapu kupiya wika; miliwu yo yinapu ngwe mafuka awashi; kakupepieka ni malimi jo.

Miaso (Masamu) 55:21

Kanwa lienyi liasenenene ngwe maji a yamwa, alioze mbunge yenyi yapwile jita. Maliji jenyi ovulile kuhiana maji hindu apwile poko ja kutomona.

Yishima 29:5

Yoze mapepieka mukwo kakulitela wanda wa muheto ha molu jenyi.

Malaki 2:6

Shimbi liamwenemwene liapwile mu kanwa lienyi; chipi nichimwe kachiwanyine ha mivumbo yenyi. Waliendelele ni yami ni sambukila ni ululi; watembwile anji ku uhenge.

Malaki 2:9

Kashika ngunanupwisa nwalela, nwasauka kumeso ja atu eswe, mumu kunwafungile ndako jami, alioze hinwalinga katonde ni shimbi.

Mateu 22:24

Longeshi, Mose wambile ngwenyi, Kachi umwe mafwa keshi ana, kachi mwanakwo akambate mukwo-pwo, akasangule ana kuli yayo.

Mateu 22:26

Chizechene wamuchiali ni wamuchitatu ndo kuli wamuchishimbiali.

Mateu 26:18

Aye ngwenyi, Yénu kwimbo kuli Sanganji, ngwenu, Longeshi kanambe ngwenyi, Mwaka wami uli hakamwihi, mungufunga Chizomboka mu zuwo lie hamwe ni tumbaji twami.

Mateu 26:49

Haze hene wejile kuli Yesu, ngwenyi, Vulie, Longeshi! mba wamumbejele chikolo.

Marku 10:17

Shimbu machituhuka mukuya mu jila, umwe wazombokele kuli iye, waliendelele kuli iye, nikumuhula ngwenyi, Longeshi mupema, kuchi mungulinga, hanga ngukahinge mwono wa mutolo?

Marku 12:13

O atumine kuli iye amwe a kuli A-Fwariseu ni a kuli A-Heronde, hanga akamutete ha kuhanjika chenyi.

Marku 12:14

O muze ahetele, yamba kuli iye ngwo, Longeshi, tunanyingika yena uli wamwenemwene, kushi kuvwila woma niumwe; mumu kushi ni katonde kuli atu, alioze kuwakulongesa jila ya Zambi ni umwenemwene, ngwetu, Muchilita ni shimbi shina kuhana lijimu kuli Sesare, nyi? Shina ka?

Marku 3:6

A-Fwariseu atuhukile, ni haze hene hamwe ni A-Heronde amutwamine punga hamuwika, ngwe chize mahasa kumwonwona.

Marku 8:15

Iye waakanyamishine ngwenyi, Kanyamenu, keyelenu futunwiso ya A-Fwariseu, ni futunwiso ya A-Heronde.

Luka 20:21

O amuhulile, ngwo, Longeshi, tunanyingika yena wakwamba, wakulongesa ni ululi, kushi katonde kuli atu, alioze wakulongesa jila ya Zambi nikulita ni umwenemwene.

Luka 7:40

Yesu wamukumbulwile, ngwenyi, Semone, chuma chimwe nguli nacho kwamba kuli yena. Iye yamba ngwenyi, Longeshi, ambenu.

Yoano 14:6

Yesu yamba kuli iye ngwenyi, Ye jila yami, ni we umwenemwene, ni we mwono: niumwe meza kuli Tata shina ni yami.

Yoano 18:37

Pilatu kashika wambile kuli iye ngwenyi, Mba yena uli mwanangana, nyi? Yesu wakumbulwile ngwenyi, Yena unachambe ngwe, Uli mwanangana. Ha chino nasemukine, ni ha chino hinguneza hano hashi, hanga ngukashindakenye ha umwenemwene. Mweswe wa ku umwenemwene mevwa liji liami.

Yoano 7:18

Yoze wakuhanjika cha kuli iye mwene kakufupa uhenya wenyi mwene: alioze yoze wakufupa uhenya wa yoze wamutumine, mwenawo wamwenemwene, ni uhenge kuushimo muli iye.

2 Korintu 2:17

Mumu yetu kutwapwile ngwe anji, nikusepa liji lia Zambi: alioze ngwe akwa kutuwika ku mbunge, alioze ngwe a kuli Zambi, kumeso ja Zambi, twakuhanjika muli Kristu.

2 Korintu 4:2

alioze hitunalituna yuma ya kuhengama ya sonyi; kutwendele ni kalimbavuli, chipwe kutwalongesele liji lia Zambi ni kalimbalimba; alioze ha kwambulula umwenemwene, twakusoloka kanawa ku mbunge ya atu eswe kumeso ja Zambi.

2 Korintu 5:16

Kashika, chize ku haliapwila ndo ku miaka, kutushi kunyingika niumwe nikulita ni musunya: chipwe kachi twanyingikine Kristu nikulita ni musunya, hindu haliapwila kutwamunyingikine chocho nawa.

Galashia 1:10

Mumu haliapwila ngunafupu shina kuwahila atu nyi, shina kuwahila Zambi? Shina ngunafupu kupemena kuli atu, nyi? Kachi nguchili nikupemena kuli atu, kachi hi nguli ndungo ya Kristu ko.

Galashia 2:6

Alioze kuli waze afumanyine kupwa chimwe (cheswacho apwile kunyima, chamokomoko kuli yami: Zambi keshi katonde), waze a lufuma kanguwezele nichimwe.

Shimbi 33:9

Yoze te wambile ha kutwala kuli tato ni naye ngwenyi, Chaasele mbunge. Katayijile usoko wenyi. Katalile kuli ana jenyi. Mumu wafungile liji lie, katangwile usendo we.

1 Tesalonika 2:4

Alioze chizechene ngwe hanatusela Shindakenyo yipema kuli Zambi, akatukunjike sango lipema, chocho twakuhanjika; hi ngwe mutupemena kuli atu ko, alioze tukapemene kuli Zambi, yoze wakweseka mbunge jetu.

Tiangu (Jake) 3:17

Alioze mana a kwilu hatangu atoma, kulutwe a sambukila, ambovu, ashi, a tò ni keke ni mihuko yipema, keshi katonde, keshi ulembekese.

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.