Mateu 22:13 - MUKANDA USANDU WA ZAMBI 1975

¹³ Hohene mwanangana wambile kuli tuvumbi ngwenyi, Mukasenu molu ni moko, numumbile mu milima ya haze; kumukukapwa malilo ni kulikopola ku mazo.

Mukanda Wa Zambi 1970

¹³ Hohene mwanangana yambila tuvumbi ngwenyi: ‘Mukasenu moko ni molu, mumbilenu mu milima, haze. Kwenako atu maakalilila ni kulicheka ku mazo.’ ”

Mateu 22:13 Iomraidhean Croise

Miaso (Masamu) 112:10

Yingulungulu makachimona nikupihilila. Makalikopola ku mazo; makasangunuka, chize yingulungulu anazange kumuchikatoka.

Miaso (Masamu) 37:12

Yingulungulu kakutwama punga mukwa ululi, kakulikopola ku mazo hali iye.

Izaya 52:1

Laula Zaione! Laula ukazale tachi je! Yerusaleme, limbo lisandu, zala mazalo je apema, mumu yilima ni akwa luchisa kechi keza nawa kuli yena.

Daniel 3:20

Yatuma amwe akwa ndundo hakachi ka maswalale jenyi akase Shadrake, ni Meshake, ni Abedenego, akaanyase mu lutengo wa kahia ka kulengenya.

Mateu 12:29

Hanji ngwe kuchi umwe mahasa kunjila mu zuwo lia chitakame nikupunda yikwata yenyi shina hatangu makasa mwe chitakame? Mba mapunda liakulu zuwo lienyi.

Mateu 13:30

Echenu yeswe yiali yitatuke hamuwika ndo ku kucha: ha mwaka wa kucha mungukamba kuli akwa kucha ngwami, Kungikenu hatangu mwambu wamokomoko, nukaukase yichita mukuyocha; alioze nukakungile tiliku mu machila jami.

Mateu 13:42

Makayimbila mu lutengo wa kahia: kumukukapwa malilo ni kulikopola ku mazo.

Mateu 13:50

O kumakaambila mu lutengo wa kahia: kumukukapwa malilo ni kulikopola ku mazo.

Mateu 24:51

Mba kumakamupatula hakachi, makamusela chihanda hamwe ni yilembese: kumukukapwa malilo ni kulikopola ku mazo.

Mateu 25:30

Alioze mbilenu yono ndungo wamokomoko mu milima ya haze: kumukukapwa malilo ni kulikopola ku mazo.

Mateu 8:12

Alioze kumakambila akwa wanangana mu milima ya haze: kumukukapwa malilo ni kulikopola ku mazo.

Luka 13:28

Kumukukapwa malilo ni kulikopola ku mazo, muze munumona Apalahama ni Izake ni Yakomba ni aprofeta eswe mu wanangana wa Zambi, ni yenwene manumbila haze.

Yoano 21:18

Pundu, pundu, ngunambe kuli yena ngwami, Muze wapwile mukweze walijichikile muya we, wendele kweswe wapalile; alioze muze mukakukwoka, mukolola moko je ni mukwo makakujichika muya, makakutwala kuze kwapalileko.

Yilinga 21:11

Iye yeza kuli yetu, yanda muya wa Paulu, yalikasa moko jenyi ni molu jenyi mwene, yamba ngwenyi, Chocho anambe Spiritu Musandu ngwenyi, Chocho A-Yunda a mu Yerusaleme kumakasa mwenya muya uno, kumamukunjika ku moko ja akwa mavungu.

Yilinga 7:54

Achi, muze evwile yino yuma, alichokele mu mbunge, alikopwele ku mazo hali iye.

2 A-TESALONIKA 1:9

Kumakaafwetesa ha milonga yo, kwenyeka cha mutolo muma mwa kuhandunuka kumeso ja Mwene, ni ku uhenya wa ngolo jenyi;

2 Petulu 2:17

Wano anapu mafuji waze keshi meya, malelwa a kuhungumioka ku kakundukundu: hanaalulikila kulá cha milima.

2 Petulu 2:4

Mumu kachi Zambi kavwilile keke angelo muze avulumwine, aiioze waanyashine mu Tartaru, waakunjikile ku malenge ja milima mukwafunga ndo ku upatwilo.

Yuda 1:13

mikanya ya kupupula ya ku kukalunga-lwiji, kanatutumuna sonyi jo ene; matongonoshi a kupianguka, hali ayo hanafungu kulá cha milima pwi ndo ku miaka ya mutolo.

Yuda 1:6

Ni angelo waze kafungile chiyulo cho ene chitangu, aiioze ehukile chihela cho ene, hanaafungu mu makana ja mutolo kushi lia milima pwi ndo ku upatwilo wa lie tangwa linene.

Usolwelo 21:27

Ni chuma cha luchisa, chipwe yoze wakulinga chizelwokeso, chipwe yoze wamutomba mahuza, kechi kanjilamo nichimwe: aiioze waze wika anaasoneka mu mukanda wa mwono wa mwe Mwana-panga.