Mateu 21:5 - MUKANDA USANDU WA ZAMBI 1975

⁵ Ambenu kuli mwana wa Zaione, ngwenu, Tala, Mwanangana we meza kuli yena, Mukwa kushimbika, kanende ha chimbulu, Kanende ha musamba wa chimbulu.

Mukanda Wa Zambi 1970

⁵ “Ambilenu mwana pwo wa Zione ngwenu: ‘Tala mwanangana we kaneza kuli yena, mukwa kulikehesa, kanende ha chimbulu, kanende hali mwana wa chimbulu.’ ”

Mateu 21:5 Iomraidhean Croise

Ubutukilo 49:10

Lukanda kechi kakatuka kuli Yunda; mbwechi ya mukwa kuyula kuyichi kakatuka hakachi ka yiliato yenyi, ndo mwenyayo makeza mba kuli iye atu makazeyela.

2 Samuel 16:2

Mwanangana yamba kuli Ziba ngwenyi, Yino yuma kuchi yinalumbunuka? Ziba ngwenyi, Akwa zuwo lia mwanangana menda hali yimbulu; mbolo ni mihuko ya lwiza akweze mayilia; mba mweswawo mahonga mu puya manwa ye vinyu.

1 Yitanga Ya Mianangana 1:33

Mwanangana yamba kuli ayo ngwenyi, Twalenu tuvumbi twa mwene wenu nukendese mwanami Solomone ha mula wa yami mwene akamupalumwise ku Ngehone.

1 Yitanga Ya Mianangana 10:26

Solomone yakungulula matemba-a-jita ni akwa tuvwalu. Wapwile ni kanunu ka matemba ni kulakaji awana a matemba, ni kumi lia tununu ni tununu aali a akwa tuvwalu. Wano waasele mu yihunda ya matemba ni amwe hamwe ni mwanangana ku Yerusaleme.

Miaso (Masamu) 9:14

Hanga ngukambujole lufuma we mweswe mu yikolo ya mwana wa pwo Zaione. Kumunguwahilila mu ulamwino we.

Izaya 12:6

Likwizenu, imbenu ni uwahililo, enu nwatwama mu Zaione, mumu mwe Musandu wa Izalele kalema hakachi kenu.

Izaya 40:9

Ena Zaione kanganda ka sango lipema, kanduka ku mulundu usuku; ena Yerusaleme kanganda ka sango lipema, kololoka ni tachi, kololoka, kanda wivwa woma; amba ku yihunda ya Yunda ngwe Talenu Zambi yenu!

Izaya 62:11

Nyingikenu, Yehova hanambulula ndo ku songo lia hashi ngwenyi, Ambenu kuli mwana-pwo Zaione ngwenu, Talenu ulamwino wenu uneza. Kwononona chenyi kaneza nacho, fweto yenyi yinamutetekela.

Ezekiel 34:24

Ni yami Yehova mungukapwa Zambi yo, ni kavumbi kami David makapwa mwe mulemu hakachi ko. Yami Yehova hinachamba.

Ezekiel 37:24

Kavumbi kami David kumapwa mwanangana wo, no eswe kumakapwa ni kafunga umuwika. Kumakakaula shimbi jami; kumakatala kanawa kufunga yiyulo yami.

Hosea 1:7

Alioze munguvwila keke munyachi wa Yunda, mba mungukaapulula ni kwoko lia Yehova Zambi yo. Chichi kaapulula ni uta, hanji ni katana, hanji ni jita, hanji ni tuvwalu, hanji ni akwa kwendesa tuvwalu.

Mika 5:2

Alioze yena Mbeteleme Efrata, mukepe Wahiana hakachi ka minyachi ya Yunda, kuli yena kumukungutuhukila umwe yoze makapwa mukwa kuyula Izalele. Chikota chenyi cha ku miaka, kwe ku shakulu.

Kwalula 24:19

Umwe wa kuli Yakomba makayula. Kumakonwona atu a piliwij a mu membo.

Mateu 11:29

Lilemenu ni kanga yami, lilongesenu kuli yami; mumu nguli mukwa kushimbika, mukwa kulilelesa mu mbunge; mba kumunukawana uhwimino ku mbunge jenu.

Mateu 2:2

ngwo, Ulihi yoze unasemuka Mwanangana wa A-Yunda? Mumu twamwene lutongonoshi wenyi mu Chivumbuko, hitweza mukumuwayila.

Mateu 2:6

Ni yena, Mbeteleme, mu chifuchi cha Yunda, Hi uli mukepekepe ko hakachi ka akwa kuyula ja Yunda: Mumu muli yena kumakatuhuka mukwa kuyula, Mwenawo kumakapwa kafunga ka atu jami A-Izalele.

Mateu 21:6

Mba tumbaji ayile, alingile chizechene ngwe Yesu waashikile.

Luka 24:27

Iye nikuputuka ku mikanda ya Mose ni ya aprofeta eswe, walumbunwine kuli ayo mu yisoneko yeswe yuma ya kutwala kuli iye mwene.

Yoano 1:49

Natanele wamukumbulwile ngwenyi, Longeshi, mwe Mwana Zambi yena; mwe Mwanangana wa Izalele yena.

2 Korintu 10:1

Achi, yami mwene Paulu, ngunaliumbu kuli yenu ku kushimbika ni ku umbovu wa Kristu, yami kumeso jenu nguli mukwa kulikehesa hakachi kenu, alioze muze chishiko ngunahamuka kuli yenu.

Shimbi 17:16

Chino wika, kanda aliokesela tuvwalu, hanji kuhilwisa atu ku Engitu hanga okese tuvwalu, mumu te Yehova wambile kuli yenu ngwenyi, Kunuchi kuhilukila ku jila yize nilimwe tangwa.

Akwa Kuyula 12:14

Wapwile ni makumi awana a ana a malunga, ni ajikulu a malunga makumi atatu, eswe endele ha yimbulu makumi shimbiali. Wayulile A-Izalele miaka nake.

Akwa Kuyula 5:10

Ambululenu, enu nwakwenda ha yimbulu atoma, enu nwakutwama mu makupu, ni yenu nawa nwakwenda hashi mu majila.