Mateu 21:43 - MUKANDA USANDU WA ZAMBI 1975

⁴³ Kashika ngwami, Kumakachiza wanangana wa Zambi kuli yenu, makauhana ku vungu limwe lia waze mema mihuko yawo.

Mukanda Wa Zambi 1970

⁴³ “Kashika, ngwami, Zambi makanuchiza Wanangana wenyi ni kuuhana kuli atu waze maakema mihuko yawo. [

Mateu 21:43 Iomraidhean Croise

Kutuhuka 19:6

Kumunukapwa kuli yami munyachi wa asasendote, vungu lisandu. Wano maliji muwambulula kuli A-Izalele.

Izaya 26:2

Azululenu mapito hanga vungu lia ululi lia akwa jika akahase kunjilamo.

Izaya 28:2

Mwene kali ni umwe chitakame cha ndundo; kapwa ngwe kangonga ka chiwe, ngwe kakundukundu wa kwonwona, ngwe kangonga ka meya a tachi a kukumba. Kumakanunguna hashi ni upupilo.

Mateu 12:28

Alioze kachi yami ni tachi ja Spiritu ya Zambi nakutuhwisa andemoniu, kachi wanangana wa Zambi hiuneza hali yenu.

Mateu 21:41

O ngwo, Kumakonwona waze atu api, makakunjika munda kuli njimi akwo, waze makamwaha mihuko ha mwaka wayo.

Mateu 21:42

Yesu ngwenyi, Kunwatangile nilimwe tangwa mu yisoneko, nyi? Ngwo, Liwe lize alitunyine tungi, Lienalio kuliapwa liwe lia helu lia mbango; Chino cha kuli Mwene, Necho chikomokeso kumeso jetu.

Mateu 21:44

Yoze malimbuka ha liwe lino kumakamakuka: alioze hali mweswawo mulikaholokela, mulikamufwenya tuyifwenvufwenyu.

Yoano 3:3

Yesu wamukumbulwile ngwenyi, Pundu, pundu, ngunambe kuli yena ngwami, Mutu kahashile kumona wanangana wa Zambi shina masemuka kwilu.

Yoano 3:5

Yesu wakumbulwile ngwenyi, Pundu, pundu, ngunambe kuli yena ngwami, Mutu kahashile kunjila mu wanangana wa Zambi shina masemuka ku meya ni kuli Spiritu.

1 Korintu 13:2

Chipwe mungupwa nikuprofeteza, chipwe mungunyingika yijimbikilo yeswe, ni yinyingi yeswe; chipwe mungupwa ni Ufulielo weswe, chocho munguhasa kututulula milundu, alioze kachi chishi zango, ngunapu wamokomoko.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa: