Mateu 21:34 - MUKANDA USANDU WA ZAMBI 1975

³⁴ Muze mwaka wa mihuko wakundamine, watumine ndungo kuli njimi mukutambula mihuko yenyi.

Mukanda Wa Zambi 1970

³⁴ Muze mwaka wa kuhela hiwaheta, yatuma tuvumbi twenyi kuli njimi hanga akatambule yimwe mihuko.

Mateu 21:34 Iomraidhean Croise

Izaya 5:4

Chuma chasalako chika munguhasa kulinga nawa ha munda wami wa uva? Muze nataliletalile ukeme uva kuchi te wemine uva ja mu yambu?

Jeremia 35:15

Hinatuma tuvumbi twami aprofeta eswe ni kulitwamina ka, ngwami, Alumukenu yenu eswe nukahichike mutu mweswe ndako jenyi jipi. Pemesenu yitanga yenu; kanda nukaula mazambi akwo nukaalingile, hanga nukatwame mu chifuchi chino nahanyine kuli yenu ni kuli tulamba twenu. Alioze kunwatelele matwi jenu, chipwe kungwivwa.

Mateu 21:35

Ahoze njimi akwachile ndungo jenyi, umwe amulambile, mukwo amushihile, ni mukwo amwashile mawe.

Mateu 21:38

Alioze njimi, muze amwene mwanenyi, aliambile hakachi ko ngwo, Yono mwe swana, tumushihenu, tukatambule chihinga chenyi.

Mateu 21:40

Muze kashika mwenya munda meza, kuchi makalinga kuli waze njimi?

Mateu 21:41

O ngwo, Kumakonwona waze atu api, makakunjika munda kuli njimi akwo, waze makamwaha mihuko ha mwaka wayo.

Mateu 22:3

mba watumine ndungo jenyi mukutambika waze aalakenyene ku ulungi: no katayile kwiza.

Marku 12:1

Iye waputukile kuhanjika kuli ayo ni yishima ngwenyi, Mutu watumbile munda wa uva, waujingulwile ni chipaka, watalile wina wa ukamino, watungile kaposhi, waukunjikile kuli njimi, mba wayile ku chifuchi chikwo.

Marku 12:7

Alioze waze njimi aliambile hakachi ko ngwo, Yono mwe swana; tatuyenu, tumushihe, ni chihinga muchikapwa nichetu.

Marku 12:9

Kashika mwenya munda kuchi malinga? Kumakeza akonwone njimi, makahana munda kuli akwo.

Luka 20:9

Iye waputukile kutela chishima chino kuli atu ngwenyi, Umwe mutu watumbile munda wa uva, waukunjikile kuli njimi, wakatukile akaye mu wenyi ku chifuchi chikwo, mukutwama shimbu linene.